Die navolginghe Christi

Regelnummers proza verbergen

[p. 6]

Hoe ghij altijt sult Christum volgen in sijn leuen ende lijden.
Dat ierste cap.

1Christus Onse Heere seet dat Hij den wech is: wilt ghij, 2begeert ghij te comen tot Godt ende godtlijck te werden, 3soe moet ghij Christum volgen, ende dat alleen om Sijn 4heijlich leuen ende sult v daer mit becummeren ende in v 5draghen ende daer mit verbeelden, waer ghij gaet ende 6staet, ende sult aensien ende mercken op v seluen waer in 7ghij noch ongelijck sijt den leuen ende lijden Christi ende 8wat v noch ontbreekt, ende dat v ontbreekt, dat grijpt aen 9in Hem om Hem ende mit Hem; ghij sult altijt v hier in 10waer nemen, ende bevijnt ghij in v noch dit oft dat, dat in 11Christo niet en was, dat sult ghij in v verdelligen ende te niet 12maken, ende dat alleen tot eer des werdigen leuens ende 13lijdens Ons Heeren Jesu Christi, dat in v niet en blijft. 14Daerom sult ghij v oock laten, wtwendich ende inwendich' 15ende hier in daer in steruen. Ghij sult begeren te niet te wer- 16den op dat Godt Sijnen wil in v volbrengen mach sonder 17hijndernisse. Ghij moet geheel staen in den wille Godts: 18Sijnen wille en is anders niet dan Christum in Sijn Heijlich 19leuen ende lijden nae te volgen.

20Cristus Onsen Heere gaf Hem ouer Sijnen Hemelschen 21Vader, in al ende onder alle menschen in alle versmaetheijt 22ende allend, al waer Hij geweest die quaetste mensch die oot 23op aertrijck gecomen waer, ende Hij leet mit alder 24verduldicheijt, ende was in alles gelaten, dat op Hem 25quam in Sijn Lijden ende Passie, ende was bereijt daer 26in te blijuen tot den lesten dach toe, in alle die pijn 27ende in alle die versmaetheijt. Hij was bereijt te niet te 28werden voor v wt minnen die Hij tot v ende alle menschen had.

29Siet, hier moet ghij Cristum uwen Heere in naevolgen 30ende dit willen, dit begeren, ende sult in alles gelijck begeren 31te staen, Godt die geue dit oft dat oft Hij neem v dit oft 32dat. Ghij sult Christum in alles begeren te volgen ende daer 33Hij v in voorgegaen heeft, daer in gelijck te werden, ende 34ist oock in dat formeloose lijden daer Hij van binnen in 35stont, dat was soe groot ende soe wonderlijck dat Sijn 36wtwendich Lijden daer bij een vercuelinghe was. Cristus

[p. 7]

37stont hief soe diep ende mit sulken wee, dat het onbegrijpe- 38lijck is alle creaturen.

39Ende ist dat Godt wil hebben dat ghij Christum folgen 40sult in dit lijden dat noch wijs noch gront en heeft, soe sult 41ghij V daer in ouer geuen in alles nae Sijnen alderliefsten 42wille, ende hoe pijnnelijck dat v dat is, daer sult ghij v in 43steruen ende sult hier in begeren te blijuen mit Christo ende 44dat mit Christo uwen Heere begeren in te gaen ende daer 45in mit Hem te blijuen ende te steruen. Ende daer in sult ghij 46niet sueken noch meijnen dan Godt, ende wachten alleen 47wat Hij v daer in wil geuen, oft wat Hij hier in is oft wat 48Hij hier in wil.

49Godt moet in al sijn, ende staet daerom in al ouer al 50ledich, ende dat ist dat edelste ende dat hoochste, ende laet 51v in al ouer al, ende laet v Godt gebruijken ende in alle 52ende mit alle lijden oeffenen soe Hij wil, ende staet, ghij, 53in al ouer al ledich, ende in al ouer al sonder troost te sijn 54als dat in Christo Jesu was. Cristus Onse Heere die was 55sonder hulp, sonder troost aen den Heijligen Chruijs van 56buijten ende van binnen. Hier neempt Christum tot een 57exempel ende volcht dat, ende dat is godtlijck, want dat is 58Godt aengenaem, ende dat is wt Godt, ende dat wil Godt 59van v ende in v, ende ist dat ghij Christum uwen Heere in 60desen wech volcht ende begeert te volgen, soe sult ghij door 61desen wech comen in Godt ende sult godtlijck werden. Dat 62is seker, niemant en compt in Godt noch hij en mach niet 63godtlijck werden, hij gaet dan in desen wech, want desen 64wech is Christus, ende door Christum compt ghij tot den 65Vader, als Christus, die hoge Waerheijt, leert. Desen wech 66heeft Christus geleert ende in desen wech heeft Hij gewandelt, 67ende desen wech en was anders niet dan Christus, ende 68Christus en is anders niet dan desen wech. Ende Christus 69heeft v geroepen in desen wech te volgen, ghij moet mit 70Hem inden Cruijs verheuen werden, ende mit Hem, in Hem 71sijn in al, ouer al. Merckt dat Sinte Peter seet: ‘die geen sund 72gedaen heeft, die is gestoruen voor ons ende heeft ons een 73exempel gelaten, dat wij Sijn voetstappen souden nae vol- 74gen’. Hierom sult ghij v in desen wech stellen ende sult 75Christum uwen Heer volgen ende soe sijt ghij in eenen 76sekeren ende in eenen godtlijken wech, dien Christus ge-

[p. 8]

77leert ende gedieht heeft wt Sijn hooge wijsheijt. Ende daerom 78sult ghij dien aengrijpen.

79Waer muecht ghij dan beter in staen, ende sekerlijker in 80staen, dan int tgeen dat Cristus heeft geleert ende gedaen 81ende daer hij oock wil dat wij dat naevolgen sullen. Hebt 82ghij desen wech, soe hebt ghij Christum ende ghij sijt in 83Christo. Een Heijlich seet: ‘sijt ghij in lijden, in allen- 84dicheijt, in aermoet, in versmaetheijt ende in niet ende in v 85seluer verniet ende in alle menschen ogen, soe sijt ghij in 86Christo ende ghij hebt Christum ende soe sijt ghij int leuen 87Christi, ende dat sult ghij v leuen begeren te sijn ende hier 88moet ghij altijt sijn, sult ghij iet sijn’. Hier in was Christus 89ende dat was Christus ende hier in sijt ghij een christen 90mensch; waer dit niet en is, daer en is Christus niet, ende 91waer Christus niet en is daer is den mensch geen christen 92mensch.