Stichtelijk sang-prieel, belommerd met het Hooge lied Salomons, ende andere heilige gesangen

[p. XX]

Εγϰ∞μιηςίϰο῾ν hujus Ad reverendum, Doctum, pium D. Vitum Ringers

L.A.M. Phil. Doct. & verbi divini praeconem in Ecclesiâ Riedanâ fidelissimum, nec non ad amicum lectorum.

VOlvi ac evolvi, perspexi saepè legendo

Laudavique tuum, Doctor perdocte, libellum:

Sermonisque stylus gratus, methodusque canendi,

Qualem hic observas, quâ cantica dulcia cantas

Arrisére mihi valde, nec omittere possum,

Quò laudes operis referam, celebremque laborem

Talem, sanè instar qui floret oletque rosarum:
Quò quoque commendem cunctis mortalibus orbis,
Illis praecipuè, Dominum qui pectore toto
Assumunt, ejusque petunt extollere nomen.
Sistite vos hic, vos, purâ pietate Parentem
Qui colitis summum, huc animos advertite vestros.
Qui Jesum Christum vultis, sponsumque loquentem

[p. XXI]

 

Quêis audire placet, cum sponsâ accurrite cuncti.

 

Materia hoc parvo praescribitur optima libro:

 

Hic dum sponsa rogat, sponsus respondet amenâ

 

Voce, sui mulcens illam dulcedine cantûs:

 

Dum flendo tristis quaerit, cum sponsus abesset,

 

Invenit illa illum, toto quem pectore amabat,

 

Qui modò turbatae reddit solatia menti,

 

Exhilaratque animam tanto maerore gementem,

 

Quae lachrimas oculis tacitò & suspiria cordi

 

Ac voci tristem questum defendit & omnem

 

Tristitiam pellit, mox & lugere remittit.

 

Talia proponit Ringers, dum cantica Regis,

 

Extollens Dominum, gratos pervertit iu hymnos.

 

Qualia praescribis nobis, Doctissime Doctor?

 

Spiritus illustret Sanctus tua carmina sancta,

 

Irradietque tuos quoque Spiritus iste labores.

 

 

 

Sic vovet

 

PETRUS ANTONIDES,

 

V.D.M. in Ecclesiâ Aelsumanâ.