Rethoricale wercken
(1562)–Anthonis de Roovere–
Auteursrechtvrij
[Folio 33v]
| |
Die wereldt loont soe menichfout
Die sulcke is op zijn conste boudt -<--
Die nochtans blijuet aen de repe
Dus seg ick om des zwemmers behoudt
Tes goet zwemmen bijden schepe.
Stormen die groote winden waeyen
En putten die grondeloos staen en draeyen
Of crampe die onuoorsiens gheualt
Dickent de zwemmers seere ontpaeyen
Wil ongheluck zijn saet daer zaeyen
Soe wordy inden grondt ghestalt
De menighe wordt alsoe verghalt
Als hy ontdrijft zijns veynoots grepe
Dus hoemen clapt oft hoemen calt
Tis goet zwemmen bijden schepe.
Bijden schepe soe ist goet zwemmen
Jst noodt, men mach daer binnen clemmen
Of dyer in is die leent hem de handt
Sulck wordt gheholpen bijder stemmen
Maer is tschip verre, ten baet gheen hemmen
Ick duchte hy soeckt den onder cant
Want eermen wtworpt eenich ghewandt
Tverdrincken heeft hem voor de swepe
Daer by seg ick voor seker pandt
Tis goet zwemmen bijden schepe.
Prinche, ghelt, iuweelen, of sulck beiach
Daer een hem op verlaten mach
Ghelijck ick bijden schepe wel
Al coempt een onvoorsien den slach
| |
[Folio 34r]
| |
Soe men gheschien siet al den dach
Hy macher de hant aen tasten snel
Fortune valt sommighe menschen fel
Wijs waer hy die ter herten nepe
Dus om te verhoedene sulck ghequel
Soe ist goet zwemmen bijden schepe.
|
|