Rethoricale wercken(1562)–Anthonis de Roovere– Auteursrechtvrij Vorige Volgende Refereyn amoureux. MYn herte niet el dan druck besluyt Jck vinde my seluen al swaer beducht Jck haecke tot den wint wordt zuydt Want mijn lieffelijck lief reedt derwaerts wt Dus coempt van daer den zoeten lucht Mijn ooghen staen naer der coempste ter vlucht En segghe dit woordt van wijlen eer Daer lief daer ooghe, daer handt daer seer. O zuyderste lucht die my beraeyt Mijnen boesem ontdoe ick soe ick best mach Mijn hertken is soe vele te bat ghepaeyt Dat ick metten winde mach zijn bewaeyt Hy coempt van daer ick hem rijden sach Al ist van trooste een cleyn beiach Tghesichte neempt derwaerts zijnen keer Daer lief daer ooghe, daer handt daer seer. Jck vanghe den windt, ick en hebs niet el Tconfoort is cleyne dat ick hier schouwe Maer men pleech te segghene in een spel Een luttelken helpt den lecker wel [Folio 38v] [fol. 38v] Diet nauwe staet, die nemet nauwe Dus stae ick als een bedruckte vrauwe En haecke, ken wiste wat segghen meer Daer lief daer ooghe, daer handt daer seer. Princhelijck Lief diemen in eeren noomt Daer ick eens sdaechs nae te siene pooghe Maer tis een saecke die luttel vroomt Te siene nae eene die niet en coomt Dus seg ick als die tlijden dooghe Daer handt daer seer, daer lief daer ooghe. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij