Rethoricale wercken(1562)–Anthonis de Roovere– Auteursrechtvrij Vorige Volgende Lof van Maria. LOf edelste gheboorne // reynste figuere Maria vercoorne // die teghen natuere Hebt man beghordt, ende zijt suyuer gebleuen De Enghelen ontstaken // in quaden coluere De mensche int smaken / nam sonden paruere Maer ghy edel Maria, Gods moeder verheuen Hebt corruptie vertorden, alle sonden verdreuen Tmoet al verwonderen bloeseme puere Jn dijn edel maechdelijck suyuerlijck leuen Dies is v ghegheuen // en zijdt gheschreuen Als Moyses doorne, ende dat beseuen Naer rechts aencleuen // want de goddelijcke cuere Bevlamde dy, wte des hemels muere Jn daertsche pastuere // dus tsegghene my huecht Lof alder edelste gheboren Juecht. Bouen Enghelen gheresen // puer edel bequame Onder dmenschelijck wesen // edelste eersame [Folio 59r] [fol. 59r] Als edelijck wt Jesse gheslachte ghesproten Maria, Maecht, Moedere // minlijckste name Voedende dijn voedere // tot onser vrame Als tbedaude Gedeons vlies ontsloten Js den dau der godtheydt in dy gheuloten Ons behouder, verwinder, aen tscruycen rame Metter gratien des heylichs gheest doorgoten Dwelck heeft verdroten // den helschen Ryoten Tcorruptible heeft al van dy gheschoten De sondighe moten // de wercken der blame Vwe fame // climpt totten oppersten trame Wt des werelts brame // inder Enghelen vruecht Lof alder heylichste gheboren iuecht. O edelste ghedochte // Maria alleene Jn v wel wrochte // Gods gratie reene Natuere in Eua, die staende ghebroken O hoochste beclijf // soe weerde noydt gheene Want wijf sonder wijf // rees been van beene Tot dijnder comst zijnde dit werck ghedoken Maer van dy Maria door tgoddelijck hoken Werdt man sonder man, dits dy niet cleene Als een bloeyende Aarons roede ghesproken Vruchtbaer ontploken // in gratien beloken Edelijck sonder scronden oft croken Peys quam dy stoken // int dal van weene Dies moeten wy, al hadden wy therte van steene, V segghen ghemeene // ons dwinght dijn duecht Lof edelste gheboren iuecht. Aue princersse Artistelijcke Vena Vrye Voochdersse, Vrouwe vol Vreden [Folio 59v] [fol. 59v] Eerwaerde Edele Eersame Elena Maecht Moedere Maria gratia plena Adsistencie Aen Alle Aerme beneden Rijsende Rancke, Recht Reynst in seden Jn Jonstelicheden Jck groete dy Lya Aue Maria Aue Maria Conforteerlijck Dya, die veel vermuecht Lof alderedelster gheboren Juecht. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij