Rethoricale wercken (1562)

Rethoricale wercken

(1562)–Anthonis de Roovere– rechtenstatus

Auteursrechtvrij

Vorige Volgende


Lof van Maria. TEn Loue der reynder maghet Marie Jn wyens bevrien Staen Jnghelen ende Ceraphinnen
[Folio 92r]
Santen santinnen Ende alle die hemelsche compaingnien Jn melodien Versaempt gheheel ten hemel binnen Wil ick beghinnen Van eenen muer inder cantijcken Daer aen dat blijcken Sonder wijcken Carteelen diemen niet mach verrijcken. Lof maechdelijck muer schoon ende claer Die soe menich iaer Voorsproken waert, door der Propheten monde Soe ons oorconde Balaam, die sprack een sterre voorwaer Sal rijsen hier naer Wt Jacob, dat waerdy soete blonde Reyne van gronde Oock soe sprack van v Malachias Johel, Abyas Ende Jeremias Maer alder claerst sprack Esayas. Amos de Prophete, seeght desen muer Was vast gheduer Van Adyamantsteenen al ghewrocht Ende wel door cnocht Niet brekelijck teghens stormen stuer Siluer int coluer Lof v die noydt sondighen en mocht Ende die doorvocht De wereldt sonder daer aene sneuen
[Folio 92v]
Dies is u bleuen ☜ Sonder begheuen Dye hoochste stede int eewich leuen. Noch seydt hy desen muer was van semente By Gods consente ☞ ☜ Voor beleydt met siluere carteelen Gheen schoonder Juweelen ❧ Een blinckende steen ghaf iuyste prente O excellente Als medegaende den anderen deelen Sonder eenich verheelen ☜ Van laste, dit waerdy Maghet soet Vol der oodtmoedt. ❦ Lof hemelsche vloedt Wiens herte noch sin, noydt onduecht bestoet. Van desen sprack dEuangeliste Jan Dyen heylighen man Dat hy op twelf pilaren staet ☞ ☜ Die men beuaet Tweelf mannen der Apostelen dan Ghelooft diet can ❧ Ende vanden Lamme ons toeuerlaet Lof die voldaet De tweelf artijckelen soot is aen schijne Sonder medicijne ☜ Als Tlam Gods, pijne ☞ ❦ Lijdende was, soe ons leert doctrijne. Den boeck van Judith seydt dat desen muer was Claerder dan glas
[Folio 93r]
Viercant van steenen, ghesaecht, ghemaect Ende wel gheraeckt ☜ Elck iuyste staende in zijnen pas Dits gheen ghedwas Lof v wyens wercken waren ghestaeckt Al onghelaeckt ☜ Op vier Cardinale duechden reyn Lof suyuer fonteyne ☞ ☜ Die ons wt weyne Ghebrocht hebt, midts dijnder oodtmoet alleyne. Desen muer oorconden Ezechiel ☞ Verstaet my wel ☜ Heeft tweelf poorten, niet al te cleene Wtgheleydt eene ☞ Daer de tweelf gheslachten van Jsrael Jn quamen snel ☜ Anders, en isser ghesloten gheene Lof die alleene De Poorte zijdt daer niemant in en mach Dan tgoddelijck ghesach Lof lichtende dach ☜ Van schoondere dede men noydt ghewach. Twaelf steenen heeft desen muer beuaen Naer mijn verstaen ☞ Die ick by twaelf steenen bekinne Reyn Coninghinne Dijn soete hooft, heeft een croone ontfaen Sonder vergaen Schoone glorieuse tsvaders minne Die v inne ☜
[Folio 93v]
Sandt twaelf duechden, door uwe vrucht O hemelsche lucht De helle v ducht Lof hoorighe tsondaers, als hy versucht. Schriftuere seydt, desen muer was dicke Alsoe ick micke Dertich Cubitus ende tseuentich hooch Dits claer betooch Daer ick v sterck ghelooue by schicke Teenen sticke Maria wiens melck dat Christus sooch Die ons noydt looch Wanneer men aen v riep ghenaden Dies weest beraden Om ons ontladen Gods wtuercorene staet ons in staden.

Vorige Volgende