Rethoricale wercken (1562)

Rethoricale wercken

(1562)–Anthonis de Roovere– rechtenstatus

Auteursrechtvrij

Vorige Volgende


TSint dat gheen minne en was sonder goet Tsint dat tgoet maeckte nijdighen moet Tsint dat ouermoet meer hiesch dan recht Tsint dat de ghierighe met ghelde creech spoet Tsint dat de man metten ghelde hiedt vroedt Tsint dat donnoosel creech gheen berecht Tsint dat die Here gheleeck den knecht Tsint dat den knecht den Heere beriedt Tsint dat elck dobbel werdt als ghevlecht Tsint dat trouwe wten lande schiedt Tsint wast al quaet datmen hoordt of siedt. Tsint dat Practijckers practiseerden
[Folio 94r]
Tsint dat de Rijcke voorcoop vseerden Tsint dat gheuers nemers bedeghen Tsint dat de schalcke ghelijck mineerden Tsint dat ghierighe macht vercreghen Tstin dat looftuyters de waerheyt versweghen Tsint dat ezels met ghelde resen Tsint dat elck wilde rapens pleghen Tsint dat schadt voor eere was ghepresen Tsint wast quaet inde werelt wesen. Tsint datmen Officien cochte Tsint datmen diuerssche costumen op brochte, Tsint dat ghelt ghinck voor Justicie Tsint dat elck hem seluen sochte Tsint dat gheen gheuer misdoen en mochte Tsint dat de ghierighe creech Officie Tsint dat den coopman vandt malitie Tsint dat de versworene wethouders worden Tsint dat op quam compositie Tsint datmen tghemeynte goudt sach gorden Tsint ist al ouer tschreue ghetorden. Prinche. Tsint dat hem kattijuen als Heeren droeghen Tsint dat Herders haer schapen vloeghen Tsint dat elck creech ruyme conscientie Tsint dat Eters op de schamele loeghen Tsint dat de Heeren gelt ghauen om wroeghen, Tsint dat Foortse hadde reuerentie Tsint dat, Da Nobis, creech scientie Tsint dat, Placebo: was Aduocaet Tsint dat, Volo: ghaf Sententie
[Folio 94v]
Tsint dat Pilatus was Apostaet Tsint wast al quaet, sack ende saedt.

Vorige Volgende