Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen

Regelnummers proza verbergen

Van drien wisen van oefeninghen. C. VI.

7En̄ om dat wi dit begheren, soe leert ons die gheest ons 8Heren ‧iij‧ wisen van oefeninghen, daer wi in pleghen mogen 9alre eren die wi Gode doen moghen. Die ierste wise enicht 10ons met Gode sonder middel. Die andere wise enicht ons met 11den wille Gods, overmits gracie en̄ onse goede werke. Die 12derde wise hout ons gheenicht met Gode, en̄ si doet ons 13wassen en̄ toenemen in gracien, in doechden en̄ in allen 14manieren van heilicheiden.

15Die ierste wise heeft ‧iij‧ punten die ons met Gode verenighen, 16dat is Gode aenbeden, eren en̄ minnen. Die andere 17wise heeft oec ‧iij‧ punten, dat is begheren, bidden en̄ eyschen. 18Die derde wise heeft oec ‧iij‧ punten, dat is Gode danken, 19loven en̄ benedien. Nu verstaet wat dat si Gode aenbeden: 20dat is Gode aensien in kerstenen ghelove met groter reverencien, 21boven redene, in onsen gheeste, ene ewighe moghentheit, 22sceppere en̄ Here des hemels en̄ der erden en̄ alre 23creaturen⁽¹⁾. Dat ander punt dat is Gode eren, dat is ons 24selfs vertien en̄ vergheten en̄ alre creaturen, ende Gode na 25volghen oneindelic, sonder omme sien in ewigher werdic-

(1) Sur. nempe in fide christiana magna cum reverentia supra rationem in spiritu nostro Deum aeternam intueri potentiam, creatorem ac Dominum coeli, terraeque et creaturarum omnium.

[p. 21]

1heit⁽¹⁾. Dat derde punt dat is Gode allene besitten, meynen 2en̄ minnen, niet omme onse ghewin, ofte omme onse ere, ofte 3omme onse salicheit, ofte omme yet dat hi ons gheven 4mochte; maer alleene omme hem selven en̄ omme sine 5ewighe ere selen wine minnen. En̄ dat is volmaecte caritate: 6daer mede sijn wi Gode gheenicht en̄ wonen in heme ende 7hi in ons.

(1) Sur. et absque termino et sine respectu aeterna cum vencratione ac reverentia sequi Deum.