Logo DBNL
Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen (1861)

Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen

(1861)–Jan van Ruusbroec–rechtenstatus Auteursrechtvrij

Vorige Volgende

Die seste trappe der minnen. C. XIII.

14Hier na volcht die seste trappe, dat is een claer insien, 15puer van gheeste en̄ van ghedachten(2). Dit sijn ‧iij‧ eyghenscape 16der scouwender sielen die comen en̄ gaen ute enen 17levenden gronde(3), daer wi Gode geenicht sijn boven redene 18en̄ boven alle oefeninghe van doechden. Die dit bevinden sal, 19hi moet alle sine doechde ende alle sine goede werke Gode 20offeren sonder opsien van enighen loene. En̄ boven al soe 21moet hi hem selven offeren en̄ overgheven in die vrie gewout 22Gods, en̄ altoes voirt gaen, sonder omme sien, in die levende 23werdicheit Gods(4). Aldus moet hi hem bereyden metter gracien 24Gods tote enen scouwenden levene, sal hijt vererighen.

1Sijn uutwendich sinlic leven moet sijn wel gheseet(1), ende 2wel gheordent in goeden werken van buten vore alre menscen 3oghen. Sijn inwendich leven moet sijn vol gracien, vol 4caritaten, ongheveyst(2), in rechter meeninghen, van allen 5doechden rike. Sine memorie(3) sonder commer en̄ sorghen, 6vri en̄ los, van allen beelden quite(4); sijn ghemoede vri, open 7en̄ verhaven boven alle hemele(5); sine ghedachte ledich sonder 8ghemere, bloet in Gode(6). Dat is der minnender gheeste 9slot: daer vergaderen alle pure gedachten in een eenvoldighe 10puerheit(7). Dat is die woninghe Gods in ons, daer nieman in 11werken en mach dan God allene(8). Die puerheit es ewich: 12daer en is tijt noch stat, vore noch na; maer si is altoes 13yeghenwoirdich, bereet en̄ openbaer den puren ghedachten 14die daer in verhaven sijn. Siet, daer sijn wi alle één, levende 15in Gode en̄ God in ons. Dat eenvoldighe een(9) is altoes claer 16en̄ openbaer den verstendighen ogen in haren inkere in puerheit 17der ghedachten. Daer is die locht suver en̄ reine, verclaert 18met godliken lichte. Daer is insien, staren en̄ scouwen 19ewighe waerheit(10), met overformden verclaerden oghen. 20Daer sijn alle dine overformich, éne waerheit, en̄ één beelde

1in den spieghel der wijsheit Gods. Dat wi dit beelde vinden, 2bekinnen en̄ besitten moghen in onse wesen, en̄ in puerheit 3onser ghedachten, daertoe heeft ons God ghemaect. En̄ alse 4wi dit aensien en̄ oefenen in godliken lichte, met eenvuldighen 5verstendighen oghen, soe hebben wi een scouwende 6leven.

7Mer hier toe behoirt noch een punt, dat is puerheit van 8gheeste; want ene ledighe onghebeelde ghedachte, een claer 9scouwen in godliken lichte, en̄ een puer verhaven gheest vore 10Gods aensichte: dese ‧iij‧ te gadere, sijn een ghewarich 11scouwende leven, daer nieman in dolen en mach. Want die 12pure gheest es altoes neyghende, en̄ navolghende den claren 13verstane met bloter minnen in sijn beghin(1). Ende onse 14hemelsce Vader is beghin en̄ einde alles ghewerdens(2). In 15Heme beghinnen wi alle goed, met bloter ghedachten, in 16onghebeelden ghesichte. In sinen Sone aensien wi alle waerheit, 17met verclaerden verstane, in goddeliken lichte. Inden 18heylighen Gheeste volbringhen wi alle onse werken. Daer wi 19ons ontgheesten met bloter minnen in Gods aensichte, daer 20sijn wi los en̄ ledich van alre hystorien en̄ van allen gedichte(3).

21Dit is een scouwende leven naden hoechsten gewichte(4). 22In elken oghenblicke beghinnen en̄ volbringhen, dat sijn der 23minnen rade. En̄ dit is die seste trappe van onsen hemelschen 24grade.


Vorige Volgende