Werken. Deel 5. Vanden twaelf beghinen
(1863)–Jan van Ruusbroec–
AuteursrechtvrijUt se praeparare et habere debeat dominici corporis Sacramentum percepturus. C. III.5[regelnummer]
Als si onſaen selen dat heilighe Sacrament,
Dat ons van Gode wertGa naar voetnoot(4) ghesent,
Daer inne leeft die lichame ons Heren,
Dien wi mit rechte boven al selen eren.
Elc goet mensce sal sitten voir Christus jeghenwoirdicheit,
10[regelnummer]
En̄ toenen hem der ewigher waerheitGa naar voetnoot(5),
En̄ proeven hem selven, ende merken
Sijn leven, sijn waerdeGa naar voetnoot(6) en̄ sijn werken,
Ende spreken met droeven sinne:
‘Sijt mijns ghenadich, ewighe minne.
15[regelnummer]
Ic mach my selven sere mishaghen;
Ic hebbe ghesondicht van al minen kintscendaghenGa naar voetnoot(7);
Ic hebbe verloren mine tijt:
Ontſermt mijns, Here, die vol ghenaden sijt.
Ic en bin niet weert dat ghi in mi cometGa naar voetnoot(8).
20[regelnummer]
Van sonden bin ic sere ghewont;
| |
[pagina 13]
| |
Ic en werde nemmermeer ghesont,
My en troeste uwe soete mont
En̄ spreke een woert, dat my becomtGa naar voetnoot(1),
Dat uut uwer hoecheit comtGa naar voetnoot(2).
|
|