Werken. Deel 6. Die chierheit der gheestelijker brulocht. Vanden blinckenden steen. Dat boec der hoechster waerheit

Regelnummers proza verbergen

Dat vierde uutgaen es te hem selven en te allen goeden menschen. C. XLIV.

3Nu sal die mensce comen te hem selven en̄ tote allen 4menschen die van goeden wille sijn, ende smaken en̄ 5merken die vergadertheit ende die eendrachticheit die si 6hebben in minnen; en̄ sal begheren en̄ bidden Gode dat hi 7late vloyen sine ghewoenlike gaven, op dat si ghestedicht 8bliven in sire minnen en̄ sire ewigher eren. Dese verclaerde 9mensche sal wisen en̄ leren, berispen en̄ dienen in trouwen 10en̄ na bescedenheiden, allen menscen; want hi draecht ene 11ghemeine minne. En̄ daer omme is hi ene middelere tus- 12schen Gode en̄ allen menschen. En̄ hi sal hem inkeren 13met gheheelheden, met allen heylighen en̄ met allen goeden 14menschen, en̄ besitten in vreden die enicheit sijns gheests 15ende daer toe die hoghe enicheit Gods daer alle gheeste 16in rasten⁽²⁾. Dit es een ghewarich gheestelic leven; want 17alle wisen en̄ alle doeghede, inwendighe en̄ uutwendighe, 18en̄ die hoechste crafte der sielen werden hier mede gheciert, 19overnatuerlike, na gherechter behoirlicheit.

(2) Sur. Deindè etiam totum se cum sanctis et bonis omnibus intrò recipiens, tum spiritûs sui, tùm Dei unitatem, in qua spiritus omnes requiescunt, in pace possidebit.