Werken. Deel 6. Die chierheit der gheestelijker brulocht. Vanden blinckenden steen. Dat boec der hoechster waerheit

Regelnummers proza verbergen

Waer omme alle goede menschen hier niet toe en comen. C. VII.

18Mer ghi moghet vraghen waer omme dat alle goede 19menschen hier toe niet en comen, dat si des ghevoelen 20mochten? Nu meret, die sake en̄ die waer omme willie 21u segghen. Si en antwoorden niet den beweghene Gods 22met enen verloechenen haers selfs; en̄ hier omme en staen 23si niet met levenden ernste voir die yeghenwoirdicheit 24Gods, en̄ si en sijn niet sorchhertich in inwendighen waerne- 25men haers selfs. Ende hier om bliven si altoes meer uut- 26wendig en̄ menichvuldich dan inwendich en̄ cenvuldich,

[p. 253]

1en̄ si werken meer hair werken ute goeder costumen dan 2uut ynnighen ghevoelne. En̄ si achten meer sonderlinghe 3wise en̄ groetheit en̄ menichfuldicheit goeder werken, dan 4meninghe en̄ minne te Gode. En̄ hier omme bliven si 5uutwendich en̄ menichfuldich van herten, en̄ en werden 6niet gheware hoe God in hem leeft met volheit sijnre ghe- 7naden.