Werken. Deel III

* De drie staten van het geestelijk leven *

Nemt dan ware met grooeten ernste, dat ghi vaste houdt ende besitd uwen panel ende uwe duwarie in eenecheit der minnen met jhesu uwen gheminden brudegooem. Want in

[p. 133]

eenecheit der minnen werden altooes van nuwes herboren die gode eerlec¹⁾ leven ende dienen. Ende dat sijn .iij. partyen van menschen daer alle de familie die gode dient in bevaen es. Die ierste partye, dat sijn goetwilleghe dooghtsame menschen altoes verwinnende ende stervende den sonden. Die andere partye, dat sijn inneghe, rike, levende menschen, volbringhende hooecheit alre dooghde. De derde partye dat sijn verhavene, verclaerde menschen, altoes in minnen stervende ende vernieutende in eenecheit met gode. Dit sijn .iij. state ochte .iij. ordenen daer alle wisen van heilecheiden in gheüfent werden. Ende alse dese .iiij. state te gadere comen in eenen mensche, soe leeft hi na den liefsten wille goods. Nu merct dan die state ende die levene met haren onderscheede; ic salse u tooenen ende verclaren, op-dat ghi u-selven wel bekinnen mooght, ende niet beter noch heilegher en waent sijn dan ghi sijd.

1) Eerbrengend.