Een nieuw sangh-boeck, iuhoudende eenighe psalmen

[p. *1]

Tot den Leser.

WAerde in Godt geliefde Leser, end' Godvruchtighe Sangher: Alsoo door verloop van tijdt dese voorighe sanghen onder de Volckeren verstroyt, ofte te soecken geraeckt zijn, ende wy van veele Godt-vreesende versocht worden, een ghetal nieuwe te

[p. *2]

laten her-drucken: So heeftet ons goet gedocht tot gerijf der vromen haer in haere Christelijcke begheerte, niet allene te accommoderen, maer oock dese nieuwe Boeckjes op ghelijcke Formaten, ende gelijcke Folien doen herdrucken, als d'Oude gheweest zijn, op dat die gene die d'Oude ende niet dese Nieuwe Boeckjes hebben int op-soecken der sangen niet en verbystert, maer mede gherieft worden. Hebben oock nu voor den derden druck eenige

[p. *3]

andere Gheestelijcke Liedekens hier by ghevoecht, van de welcke sommighe uyt andere Boecken genomen, ende sommige voor desen noyt in druck gheweest zijn, dien wy nochtans hoopen den troost-soeckende Ziele tot een Heylich ende Godt-behaechlijck leven seer dienstich te connen wesen d' Oeffenende Zielen sullen daeromme gelieven 't selve niet allene voor goet aen te nemen, maer d' selve oock in de vrese des Heeren met aendachtiger

[p. *4]

herten, 't sy met lesen ofte singhen ghebruycken, op dat de vrucht van dien, namentlijcken den troost int eeuwighe leven daer uyt geschept mach worden, waer toe wy V. L. als ons selven des Heeren segheninghe wenschen door onsen Heere ende Salichmaker Iesum Christum, Amen.