Seripindamasra na sé wan pren
Mi miti en baka, mi e njan wan pinda fu en. Ma fa? Djaso na ondro den amandrabon di e meki run gi libisma fu go sidon teki leti, loktu na den ondro na tapu den stonbangi.
A moi weti peprewoisi di lai den safu pinda.
Mi fadon na ini wan prakseri, mi e wegi a ten di pasa gwe di bakabrekten leki wan fara sani san ju no sa man ori, neleki marmor so kowru, wéfowrufasi a gwe te jana a ten na ini a leti.
A pinda, wanwan mi e njan en. Mi e blo korostu. Wan switi winti e wai, lasi ala ebi sorgu puru.
Mi sidon, mi e njan. Den tufesi fu redi èn grun wiwiri na loktusé.
Suma ben sa taki na a sèm man di mi miti nanga en, a eri saka, eri waran pinda di fruku mamanten di mi ben e go na wroko?
Mi sidon, mi e njan. Tufesikloru bon na mi lontu tiri na ini a winti.
Mi no frigiti a tranga winsi di ben kon na ini mi fu opo a saka, fu tesi a buba, a pinda di ben baka njunnjun ete. A ben de wan sani gi mi! Wan njun ondrofenitori skin na skin nanga na alésisaka, a eri saka pinda di ben e dampu en waran ete.
Ma nanga krakti mi ben ori mi mofo, mi no ben taki noti.
We dan di bakabrekten...... onfruwakti...... mi sidon na ondro bon, tufesi, pansman sjatu bon e jepi tiri mi prisiri. Di bakadina a sèm pinda. A srefi saka di gi njannjan fu den peprewoisi.
Tufesi tiri tu a weni san waka sens di mamanten.
Auteursrechtelijk beschermd