Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
Auteursrechtvrij
[pagina 52]
| |
Watmen scuwen en̄ vliën sal in rade. C. XVII.Dier dingen / wilt des ghetruwen /
Sal elc mensche in rade scuwen /
1425[regelnummer]
Gramscap en̄ ghierechede /
Dronckenscap en̄ haestichede:
Dese .iiij. / vroech ende spade /
Salmen scuwen in rade.
Ghine sult / in gheenre tijt /
1430[regelnummer]
Raet soeken als ghi erre sijt /
Noch aen hem die erre es.
Bi vele redenen / sijts gewes /
Die erre es hi waent dan
Meer vermoghen dan hi can /
1435[regelnummer]
So dat sijn wanen en̄ sijn achten
Verre gaet boven siere machten /
So bedrieghet hi hem daer.
Die andere redene / wet voer waer /
So wat die erre mensche seyt/
1440[regelnummer]
Keert al in onbeschedenheyt /
En̄ daer met verwect hi mede
Andere liede te gramhede.
Trecht siet ane den grammen man;
Maer gramscap siet trecht niet an.
1445[regelnummer]
Die goede Beda spreect hier op
Die epistel die screef Iacob:
Die erre es / wats ghesciet /
En can gherechticheyt werken niet.
Die derde es / dies sijt vroet
1450[regelnummer]
Om dat gramscap verblint den moet.
| |
[pagina 53]
| |
Ghine sult u niet maken
Gram van onsekeren saken /
Want gramscap so den sin verblint
Dat hi die waerheyt niet en kintGa naar voetnoot1.
1455[regelnummer]
Tullius maect ons vroet
Watmen met gramscapen doet
Es selden ghedaen int beste /
Men vinter faute in int leste.
Oec weet dat die gramheyt
1460[regelnummer]
En heeft ghene ontfermecheyt.
Oec so scuwen si gherne raet /
Want raet dunct hem quaet.
Oec men daer ghescreven vint:
So wie sine gramscap verwint
1465[regelnummer]
Dat hi / dat si u becant /
Verwint enen groten viant;
Want stercmoedecheyt / wet wale /
Es een der doghet cardinale /
Maer vele dogheden uut gheyt
1470[regelnummer]
Die hier blijft al ongheseyt.
|
|