Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Van striden te scuwene ende orloghen. C. LI.

 
ORloghe sal elc man
 
Altoes scuwen waer hi can;
 
Want uut orloghe also
3015[regelnummer]
Comen meest die stride toe.
 
Stride die sijn altoes quaet /
 
En̄ wet datse God haet /
 
Daer om sprac die coninc Davijd:
 
Hem allen die begheren strijt /
3020[regelnummer]
Die verderft ende doet sterven
 
Eer dat si u liede bederven.
 
Mi dunct / na dat ic sie /
 
Dat een mechtich man die
 
Gherne vecht ende strijt /
3025[regelnummer]
En̄ hem des niet en vermijdt /
 
Dat hi onnutte es waerlike
 
Voer Gode en̄ op ertrike;
 
Want hi maghe en̄ ghebure
[pagina 109]
[p. 109]
 
Haer leven maect te suere
3030[regelnummer]
Met vechtene en̄ met brande /
 
En̄ met vernoye menegherande.
 
Sonder scout te menegher stonde /
 
God spreect selve met sinen monde:
 
Salech sijn die vredelike /
3035[regelnummer]
Want haer es hemelrikeGa naar voetnoot1.
 
Dander redene / nu aensiet:
 
Stride die en deren niet
 
Den viande allene /
 
Maer den volke al ghemene /
3040[regelnummer]
Dat arm wert ende verbrant /
 
En̄ moeten rumen haer lant.
 
Die derde redene es dese:
 
In vechtene leghet grote vrese /
 
Daer om staet daer ghescreven dat
3045[regelnummer]
Wel salech es die stat /
 
Die haer twistelike dinghen
 
In rasten setten met dadinghen.
 
Die vierde redene es van dien
 
Waer om men strijt sal ontsien /
3050[regelnummer]
Dats om die misselijcheyt
 
Die ane den strijt gheleyt;
 
Want ane des volx willecheyt /
 
Noch met redeliker wijsheyt /
 
Sone mach nieman kinnen
3055[regelnummer]
Wie den strijt sal verwinnen:
 
Daer om sprac aldus
 
Iudas Machabeus:
 
Die victorie niet en leyt
[pagina 110]
[p. 110]
 
In des volx willecheyt /
3060[regelnummer]
Maer uter cracht / dat verstaet /
 
Die uten hemel boven gaet.
 
Hets Gode een cleyn dinc / des sijt vroet /
 
Dat hi luttel volx verwinnen doet
 
Van volke in grote scare.
3065[regelnummer]
David verwan / dats clare /
 
Doen hi jonc van jaren was
 
Den groten rese Golyas /
 
Nochtan en hadde hi in die were
 
Weder scilt / staf noch spere /
3070[regelnummer]
Dat verwinnen / lude ende stille /
 
Leghet alte male in Gods wille.
 
Die vijfste redene es dese:
 
In striden leghet grote vrese;
 
Die wise / in allen tiden /
3075[regelnummer]
Hebben ghescuwet dat striden /
 
En was noyt wijs man
 
Die gherne strijt ghinc an;
 
Want het es sotheyt groet
 
Dat hem in vreesen vander doet
3080[regelnummer]
Enech man werpt daer hi af vri
 
Quite en̄ los mocht sijn / woude hi.
 
Die seste redene waer bi
 
Die strijt met recht te scuwene si /
 
Dats daer bi / sijt seker des /
3085[regelnummer]
Dat gheen dinc so seker en es
 
Alse die doet / dats seker waer /
 
En̄ niet so onseker alse waer /
 
Hoe ofte op wat uren.
 
Daer bi eest swaer te avonturen
[pagina 111]
[p. 111]
3090[regelnummer]
Te vergaderen in stride;
 
Want die doet / in allen tide /
 
Volghet ons na in allen stede
 
En̄ wi verbeyden haers oec mede;
 
Want si tallen uren waect
3095[regelnummer]
En̄ alle daghe een dach vaert naect.
 
Deser redene sijn sonder ghetal
 
Waer bi men strijt scuwen sal.
 
Die ic niet al vertrecken en can /
 
Daer bi radic u / goet man /
3100[regelnummer]
Dat ghi alle dese dinghen
 
In goeder soenen laet bringhen /
 
So behoudi u goet also
 
En̄ blijft in rasten daer toe /
 
En̄ behoudt maghe en̄ gheburen /
3105[regelnummer]
Die ghi sere soudt avonturen.

voetnoot1
Vglk. Matth. 5, 9.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken