Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Welc edelheyt en̄ onedelheyt es. C. XXIII.

 
IAn / nu biddic u dat ghi
1995[regelnummer]
Vander edelheyt berecht mi.
 
In sie nieman edel op ertrike /
 
Hine si mechtich ende rike;
 
Hoe / hebben si dedelheyt allene /
 
En̄ dat mate volc en heeft en ghene?
2000[regelnummer]
Selke liede segghen also:
 
Si quame vander rijcheyt toe.
 
Wouter / rijcheyt no gheborte mede
 
En maken ghene edelhede.
 
Dat Abraham / die goede man /
2005[regelnummer]
Ere en̄ voerdeel ghewan /
 
Dan dede rijchent no gheboert;
 
Maer onse Here trackene voert
[pagina 205]
[p. 205]
 
Om sine doeght / om sinen reynen sin /
 
Daer noyt dorperheyt en quam in /
2010[regelnummer]
So dat hi waert algader
 
Van .xij. gheslechten vader /
 
En̄ elc gheslechte hadde an
 
.XII. dusent volcs nochtan.
 
En dede oec ghene rijchede
2015[regelnummer]
Dat David quam tier hogher stede;
 
Want het verhieffene onse Here
 
Te sulken voerdele / te sulker ere /
 
Dat hi der bester coninghe was een
 
Daer noyt sonne of mane op scheen.
2020[regelnummer]
En̄ dat Karels voerdren scone
 
Quamen toter vrancscher crone /
 
En̄ dat hi selve moghentlike
 
Quam toten keyserrike /
 
Ende al hadde in sine hant
2025[regelnummer]
Sassen en̄ Spaengen lant /
 
Dat en brachte toe ander rijchede
 
Dan doeght en̄ vromechede.
 
Godevaert was oec een arm man /
 
Die de stat van Iherusalem wan
2030[regelnummer]
En̄ coninc starf daer binnen.
 
Henric oec / wildijt bekinnen /
 
Die van Lutselenborch was grave /
 
Hadde cleyne rente en̄ have;
 
Nochtan onste hem God das
2035[regelnummer]
Dat hi roemsch keyser was.
 
God woudene selve eren
 
Om sine doeght en̄ meren.
 
Hier bi moghedi merken wale
[pagina 206]
[p. 206]
 
Dat dat es gheveynsde tale /
2040[regelnummer]
Dat edelheyt van Gode comen soude
 
Die wilen ontspaerden doude.
 
Een arm man die wint sijn broet /
 
Om dat hi enen sac draghet op sijn hoet
 
En es hi tonedelre niet een twint /
2045[regelnummer]
Op dat sijn herte doghet kint
 
En̄ sine sinne houdt clare
 
Van alre dorperre mare;
 
En̄ eens rijcs vrijs coninx sone /
 
Die quader seden es ghewone
2050[regelnummer]
En̄ van naturen onreyne ghemoet /
 
Es een dorper / des sijt vroet.
 
Armheyt en can ontedelen nieman /
 
En̄ rijcheyt en can edelen yeman:
 
Si moet al uter herten comen.
2055[regelnummer]
Die anders segghen / si hen versoemen.
 
Ay / Ian / welc sijn die saken
 
Die den man onedel maken?
 
Wouter / ghierecheyt ende vrechede /
 
Felheyt en̄ onghewarechede /
2060[regelnummer]
Dorper worde gherne leren /
 
Goede dinghen in arghe keren /
 
Doeght en̄ vromecheyt beniden /
 
Van yemans rampspoede verbliden /
 
Oneersam in wandelinghen /
2065[regelnummer]
Siet / Wouter / dese dinghen
 
Ontsetten den man van sire eren /
 
En̄ hoverde noch vele mere;
 
Want Ovidius spreect aldus:
 
Inquinat egregyos
[pagina 207]
[p. 207]
2070[regelnummer]
Adjuncta superbia mores;
 
Dat also vele te segghene es /
 
Dat hoverde benemen can
 
Harde edele seden inden man.
 
Dese poenten / daer si becliven /
2075[regelnummer]
Moeten edelheyt verdriven /
 
En̄ wiese heeft int herte sijn
 
Dats een recht dorpre fijn.
 
Wiene droech of wiene wan /
 
Ic rade u huedt u daer van.
2080[regelnummer]
Ian / van poenten ende van seden
 
Die behoren ter edelheden
 
Hoerdic u gherne ghewaghen.
 
Wouter / een sot soude meer vraghen
 
Dan .xij. vroede berechten souden /
2085[regelnummer]
Die hem sijns speels volghen woude.
 
Alle die contrarie van desen
 
Die ic vore hebbe ghelesen /
 
Die den mensche onedel maken /
 
Dat sijn die selve saken
2090[regelnummer]
Die den mensche versieren
 
Van edelen manieren /
 
En̄ sonderlinghe ghebiedt edelhede
 
Datmen alle hoesschede
 
Van vrouwen en̄ van ioncfrouwen spreke /
2095[regelnummer]
Al hadden si aen hen ghebreke;
 
Want darghe moeten in elke stat
 
Der goeder hebben te bat.
 
So edelen tresoer sijn
 
Die volmaecte vrouwen fijn.
2100[regelnummer]
En̄ alles te voren om ene /
[pagina 208]
[p. 208]
 
Die Ihesum broech van Nazarene /
 
So salmen ghemeynlijc vrouwen eren
 
Hare en haren sone teeren;
 
En̄ God selve / na mijn versinnen /
2105[regelnummer]
Mintse al die edelheyt minnen;
 
Want edelheyt en heeft in hare
 
Ghene dinc die es onclare /
 
Of daer sonde of blame aen leghet.
 
Te rechte es hi gheeert dies pleghet.
2110[regelnummer]
Menech waent / sijt seker des /
 
Dat hi vanden edelen es /
 
Of dat hi vanden heren leven leyden can;
 
Hi esser harde verre van:
 
En es nieman edel dan die pliet
2115[regelnummer]
Deser poente die ghi hier siet.
 
Siet / Wouter / na mijn verstaen
 
Es edelheyt aldus ghedaen.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken