Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 280]
[p. 280]

Dit es van ghevene.aant.

 
GOd die was voor alle beghen /
 
Voor alle beghen stont Hem sijn sen
 
Op gheven / en̄ segghe u wel waer bi.
 
Hemel en̄ eerde maecte Hi /
5[regelnummer]
En̄ daer toe menighe creature /
 
En̄ daertoe menighe figure.
 
Daer nae soe maecte Hi denGa naar voetnoot1 mensche
 
En̄ alle dinc na sinen wensche.
 
Des sijn wi Hem sculdich te dancken daer af
10[regelnummer]
Van dat wi hebben; want Hijt ons gaf.
 
Noch gheefti ons daghelix emmer voort.
 
Een here woende te Rome in die poort
 
Die Gods gheven wel verstont /
 
Dies gaf hi dor Hem menich pont /
15[regelnummer]
Datment cume tellen mochte
 
Dwonder datti met ghevene wrochte.
 
In midden sire salen stont
 
Een pileer groot en̄ ront /
 
Dien haddi doen maken hol
20[regelnummer]
En̄ haddene gouts doen ghieten vol.
 
Dit hadhi heymeliken bedreven /
 
En̄ buten al omme stoet ghescreven
 
Met guldenen letteren dus daer an:
 
‘Ghef! God gaf den ghevenden man.’
25[regelnummer]
Doe woude God sijn gheven lonen
 
En̄ in sijn hemelrike cronen /
 
En̄ eweliken daer inne erven.
[pagina 281]
[p. 281]
 
Doe bleef hi siec ligghende opt sterven:
 
Hi ontboot enen jonghelinc /
30[regelnummer]
Sinen sone / die voor hem ghinc.
 
‘Sone / seiti / hout den zede;
 
Want du saechs dat ict dede /
 
En̄ lees tghescrefte aen den pilaer:
 
“Ghef! God sal di gheven naer.”
35[regelnummer]
Die goede man sciet van certrike /
 
En̄ sijn sone gaf mildelike.
 
Soe langhe dedi dit en̄ bedreef
 
Dat hem herde lettel bleef:
 
Hi versette lant / huse en̄ borghe /
40[regelnummer]
Hem wies ane commer en̄ sorghe.
 
Eens quam hi in huus ghegaen
 
En̄ sach tghescrefte ghender staen /
 
Dat God den ghevendenGa naar voetnoot1 man gave.
 
Doen zwoer hi hi sout doen ave /
45[regelnummer]
Bedi het had hem gheloghen
 
En̄ hi waerre mede bedroghen /
 
En̄ het hadden levende doot.
 
Hi nam enen hamer groot
 
En̄ sloech daer op met grammen sinne.
50[regelnummer]
Die steen brac / want hi was dinne /
 
En̄ dat gout quam wte gheronnen.
 
Sijn gheven heeft hem dit ghewonnen;
 
Bedi en haddi niet ghegheven /
 
Het waerre in verborghen bleven.
55[regelnummer]
Doen danctijs Gode / en̄ seide hi soude
 
Gheven / altoes hi gheven woude /
 
Want hem niet en mochte ghebreken.
[pagina 282]
[p. 282]
 
Nu wil ic voort van gheven spreken.
 
Gheven es dat hoochste goet /
60[regelnummer]
Gheven brac tsfader torenmoet /
 
En̄ dede Hem sinen hemel scoren /
 
DaerGa naar voetnoot1 noyt man in quam te voren.
 
Gheven dede Hem storten sijn bloet;
 
Gheven bluschte die helsche gloet /
65[regelnummer]
Daer wi toe waren vercoren:
 
EnGa naar voetnoot2 dade God wi waren verloren.
 
Nemmermeer en sal gheven enden;
 
Gheven maect dingle u ghebuere /
 
En̄ den duvel cant verblenden;
70[regelnummer]
Gheven can die helle vermueren
 
En̄ den hemel ontglenden;
 
Gheven sal sine creaturen
 
Te Gode inden hemel senden /
 
Van daer si nemmermeer en wenden.
75[regelnummer]
Gheven doet voor u inden trone
 
Die inghelen bidden allegader;
 
Gheven doet papen singhen scone /
 
Gheven es der sunden ontlader;
 
Gheven es der sielen crone /
80[regelnummer]
Hier es gheven alberader /
 
Gheven es God selve in loene:
 
Hets Gods kint / Hi es ghevens vader.
 
Gheven dat wast wt soe hoghen
 
Dat nieman verbeteren en can;
85[regelnummer]
Gheven steet voor Gods oghen /
[pagina 283]
[p. 283]
 
En̄ bidt altoes voor den man;
 
Gheven doet alle bliscap toghen /
 
En̄ het es alre droefheden ban;
 
Wie gheven mach / hi mach poeghen
90[regelnummer]
Datmen ontseeght den vrecken man.
 
Gheven gheeft den dief sijn ere /
 
En̄ den vrueden stoppet den mont;
 
Gheven stectGa naar voetnoot1 den cleerc buten kere
 
En̄ seghet: hem en es gheen wijsheit cont.
95[regelnummer]
Gheven verheft den dommen sere
 
En̄ gheeft hem rente en̄ menich pont /
 
Gheven es algaeder here en̄ here:
 
En vant nyeman soe hoghen vont.
 
Gheven gheeft den ridderen seghe /
100[regelnummer]
Daer si comen inden wighe;
 
Gheven leert mi alle weghe
 
Hoe ic mach mijn lief ghecrighen;
 
Gheven es goet als ics pleghe /
 
Het doet mi dienen en̄ nighen;
105[regelnummer]
Gheven / in wient es becleven /
 
Ghene doghet en selmen van hem zwigen.
 
Vanden ghevene hebdi ghehoort /
 
Van dat u God gheeft des gheeft voert /
 
Ghi coemter met inde hemelsche poort /
110[regelnummer]
Of ghine vint ghinder niet een oert.
 
Heeft u die ghiericheyt verdoort /
 
Soe werdi in die helle versmoert;
 
Want vrecheyt is voor Gode moort.
 
Hier omme werct nae mine woort
[pagina 284]
[p. 284]
115[regelnummer]
En̄ wilt altenen gheven /
 
Soe moeghdi comen onghestoort
 
In dat eweghe leven.
 
Daer moeten wi comen sonder sneven!

Amen.

voetnoot1
Hs. de.
voetnoot1
Hs. gevende.
voetnoot1
Hs. Dat. - De verzen 61 et 62 staan in hel Hs. onderling verwisseld.
voetnoot2
Hs. En̄.
voetnoot1
1 Hs. steet.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken