Nederlandsche gedichten uit de veertiende eeuw van Jan van Boendale, Hein van Aken e.a.
(1869)–F.A. Snellaert–
AuteursrechtvrijVanden ghenen die den roemschen rijk contrarie sijn. C. VIII.ALle die ghene die wederspraken
555[regelnummer]
Troemsche rijc en̄ achterstaken /
Wet dat voer waerheyt sijn
Dat si Antkerst worden sijn.
Ghelijc dat Ian / Cristus doper /
Was Ihesus Cristus voerloper /
560[regelnummer]
En̄ oec ander propheten
Die sijn comst daden weten /
Also es / na die ghelijcke /
Antkerst bodeGa naar voetnoot1 die dat rijcke
Breken wilt en̄ achterkeert /
565[regelnummer]
Alsoet hem die duvel leert.
En̄ nieman en langhe daer na
Dat roemsche rike te nieute ga;
Want seker als menGa naar voetnoot2 dat vint
| |
[pagina 307]
| |
So es kerstenheyt ghescint;
570[regelnummer]
Want die Kerke sal gaen tonder.
Dan salmen sien dmeeste wonder
En̄ dmeeste jammer dat vore dien
Op ertrike ye wart ghesien.
Dan sal hoverde en̄ ghierecheyt /
575[regelnummer]
Die inder prelaten hove leyt
En̄ elder oec in ertrike /
Ghewroken werden sekerlike /
Mids des duvels sone / Antkerste /
Die den Gods Sone / Ihesum Kerste /
580[regelnummer]
Al contrarie dan sal wesen /
Also wi in vele boeken lesen.
En̄ sijt des seker en̄ gewes
Dat die tijt niet verre en es /
Alse prelaten en̄ lansheren
585[regelnummer]
Dat Roemsche rike willen verkeren.
Die Vrancsche coninghe langen tijt
Hebben ghedraghen groten nijt
Op die keyserlike ere /
Om dat si benijdden zere
590[regelnummer]
Dat yemen soude op ertrike
Boven hem sijn of haers ghelike.
Wie sach ye des ghelike /
Als van Beyeren Lodewijc /
Die so eerlijc en̄ so scone
595[regelnummer]
Quam toter keyserliker crone /
En̄ verouwenesse had ontfaen
Van dien dat hi had mesdaen
Ieghen den stoel van Romen /
En̄ te ghenaden woude comen /
| |
[pagina 308]
| |
600[regelnummer]
Dat hem dic paeus voersloet
Onser moeder der kerken goet /
Die sculdech es open te stane
Elken sondare te ontfane
Also dicke alse hijs beghert?
605[regelnummer]
Want dat es Gode herde wertGa naar voetnoot1;
Want God en̄ al sijn hemelrijc
Verbliden dan ghemeynlike
Vanden sondare die hem bekeert /
Alse ons Cristus selve leert.
|