Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 421]
[p. 421]

Datmen persemeren en̄ die ghierege ten rade en̄ ten regement scuwen sal. Exemplen vanden Romeynen. C. VII.

 
AY! ghi heren in desen stade /
 
Neemt die ghene in uwen rade
 
Die wijs sijn ende ghemate /
525[regelnummer]
En̄ eersam op die strate /
 
Gode vruchtich en̄ ghierech twint /
 
En̄ recht altoes mint.
 
Van woekeneren of persemeren
 
Hoedt u in alder manieren;
530[regelnummer]
Want dese .ij. / sonder waen /
 
Doen een stat te nieute gaen.
 
Een stat die onderlinghe twist
 
Heeft alder eren ghemist;
 
Een stat / dat oec wel wet /
535[regelnummer]
Daer persem es en̄ voercoep met /
 
Die en mach / sonder waen /
 
In voerspoede niet langhe staen /
 
En̄ daer men huwelijc versmaedt /
 
En̄ elc sijn overspel hayt.
540[regelnummer]
Dit sijn sunden die Onse Here
 
Haet utermaten zere.
 
Alle die sijn van desen seden
 
Suldi scuwen in uwe steden /
 
Alsoe dat God / Onse Here / daer na /
545[regelnummer]
Die onsculdighe niet en sla
 
Metten sculdeghen / wet wel dat /
 
Alse Hi ghedaen heest te menegher stat.
[pagina 422]
[p. 422]
 
Nu hoert en̄ verstaet wel
 
Watten Romeynen ghevel.
550[regelnummer]
Die Romeynen wilen eere
 
Waren van alder werelt here /
 
Daer si om vochten meneghen strijt
 
Eer si haer palen maecten so wijt /
 
En̄ bijvaletsGa naar voetnoot1 allen weghe
555[regelnummer]
Hadden si spoet ende seghe.
 
En̄ doen sijt al hadden verwonnen
 
Dat si vonden onder der sonnen /
 
Bleven si stille in haer stat
 
En̄ begonsten te gaderen scat /
560[regelnummer]
Rinten en̄ grote juwele;
 
En̄ die diere hadden vele /
 
Wouden beter sijn na haren sin
 
Dan haer ghebuere diere hadden minGa naar voetnoot2 /
 
Soe dat wijsheyt en̄ vroetheyt
565[regelnummer]
Algader keerde inder ghierecheyt /
 
In overmoede ende nide /
 
Alst noch pleghet in desen tijde
 
In menegher stat / hier en̄ daer.
 
Nu proeft of ic segghe waer.
570[regelnummer]
Hier na quam hem / over waer /
 
Een zwaer orloghe en̄ groet
 
Van dien van Cartago /
 
Die hem alsoe ghinghen toe
 
Dat si bina / twaren /
575[regelnummer]
Op dat bederven waren /
 
Met menighen groten stride /
[pagina 423]
[p. 423]
 
Dat en waren in dien tide
 
Gheen soe grote ghesien /
 
Datmen noch spreect van dien /
580[regelnummer]
En̄ es gheheten / alsic versta /
 
In latine bella punica /
 
Om dat in dien stride groot
 
Soe vele liede bleven doot;
 
Ia hondert duysent selken tijt
585[regelnummer]
Blefer doot in enen strijt /
 
Daer die Romeyne den zeghe verloren /
 
Die soe gheluckich waren te voren /
 
Doen si doeght ende ere hanteerden /
 
En̄ van ghiericheyden vierden.
590[regelnummer]
Doen die Romeyne saghen wel
 
Dat hem davonture was fel /
 
En altoes ghinghen tonder /
 
Soe hadde hem des groot wonder /
 
Also dat si om dese dinghen
595[regelnummer]
Haren Goden te rade ghinghen /
 
Ende daden hem groot ere /
 
En̄ verchierden haren tempel zere /
 
En̄ vragheden hem openbaere
 
Welc hier af die sake ware
600[regelnummer]
Dat si waren zegheloes /
 
En̄ voermaels vochten zeghe altoes.
 
Die Goede antworden doe /
 
En̄ spraken den Romeynen toe:
 
‘Comt hier weder na .iij. daghen /
605[regelnummer]
En̄ van al dat ghi wilt vraghen
 
Selen wi u berechten claer.’
 
En̄ aldus so ghinghen si van daer /
[pagina 424]
[p. 424]
 
En̄ quamen weder al onghelet
 
Alse hen hare Gode hadden gheset.
610[regelnummer]
Daer soe vonden si inden tempel
 
Twee verse ghescreven wel
 
Int hoet vanden tempel daer /
 
Die te verstane waren zwaer;
 
Want niemen van hen lieden
615[regelnummer]
En contste wel bedieden;
 
Want daer stonden inne
 
Vier letteren / alsic kinne /
 
Diemen elc / sonder waen /
 
.IX. vout moeste verstaen.
620[regelnummer]
Dat waren C. L. F. en̄ U.
 
Hier moghedi wonder horen nu
 
Hoe si vielen in ghebede /
 
En̄ baden hare Gode mede
 
Dat si hen te kennen gaven
625[regelnummer]
Die bediedenesse daer ave.
 
Doen antwoerden si saen:
 
‘Morghen vroech suldi gaen
 
Voer de .iiij. poerten vander stat /
 
En̄ daer so suldi vinden dat
630[regelnummer]
Bedieden der letteren viere /
 
En̄ dan suldi weten schiere
 
Die redene waer bi u al
 
Comt die grote ongheval.’
 
Nu siet / goede liede / en̄ mect
635[regelnummer]
Hoe God die sonden altoes wrect /
 
Die sonden der Heydine /
 
Alse hi doet der Kerstine.
 
Doen dese in trouwen ghestoeden /
[pagina 425]
[p. 425]
 
Waren si altoes in voerspoede /
640[regelnummer]
En̄ doen si die lieten achter /
 
Volghdem altoos scande en̄ lachter.
 
Aldus can die wrake Ons Heren
 
Altoos opten sonderen keren.
voetnoot1
Bijcants?
voetnoot2
Hs. nin.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken