Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 428]
[p. 428]

Van jammerliken plaghen die enen monic gheopenbaert worden. C. IX.

 
EEn boecsken quam mi ter hant /
725[regelnummer]
Daer ic in ghescreven vant
 
Wonder / als ghi moghet horen /
 
Dat enen monic quam te voren /
 
Die hem selven scrijft Brueder Ian.
 
Dese monic sach enen man /
730[regelnummer]
Niet in drome noch in visioene /
 
Maer daer hi lach in orizoene.
 
Dit ghesciede / als ict las /
 
Doen die stat van Akers verloren was /
 
Doemen screef wel besondert
735[regelnummer]
Neghen min dan .XIIIc.Ga naar voetnoot1
 
Doen was Akers verloren /
 
Alsoe ict seyde hier te voren /
 
Daer so vele Kerstine bleven
 
Datter wonder es af ghescreven.
740[regelnummer]
Inde kerke / te Gods onwerden /
 
Stelden si beesten en̄ perden;
 
Tcrucifixe Gods Ons Heren
 
Sleipten si / Gode tonneren /
 
Achter strate in die stede /
745[regelnummer]
En̄ ander beelden mede.
 
Lieve vriende / nu besiet:
 
Dat God dit ghescien liet /
 
Was om die grote sonden /
 
Daer die Kerstine in stonden /
[pagina 429]
[p. 429]
750[regelnummer]
En̄ datsi den vrede braken
 
Tusschen den Heidenen en̄ Kerstenheit /
 
Daer af quam dat grote leit.
 
Hier om liet God ghescien dat
 
Die Heidene wonnen die stat /
755[regelnummer]
Daer si deden jammer groet.
 
Menighe Kerstine sloeghen si doot.
 
Op enen Ascentioens nacht / te waren /
 
Alse mettene ghesonghen waren /
 
En̄ die monike ten dormter ghinghen /
760[regelnummer]
Bleef dese monic in bedinghen
 
Inde kerke langhe na desen /
 
En̄ woude Davids salme lesen.
 
En̄ doen hi quam / gheloeft mi des /
 
In: Deus / venerunt gentesGa naar voetnoot1
765[regelnummer]
(Dats een salm alsmen vint
 
Die rechte alsoe beghint) /
 
Quam hem te voren alsoe saen
 
Die manslacht / die was ghedaen
 
Over zee in Kerstenhede /
770[regelnummer]
Alsoe als ict u hier voor sede.
 
Doen weert dese goede here
 
Wenende alsoe sere /
 
Dat hi den salm / wats ghesciet /
 
Vorder en conste ghelesen niet /
775[regelnummer]
Omden rouwe dien hi dreef doe /
 
En̄ sprac Onsen Heer toe:
 
‘Heer / Ghi sult talder tijt
 
Uwen volke so hert niet sijn als Ghi sijt /
 
Maer Ghi sult sijns ghenadich wesen /
[pagina 430]
[p. 430]
780[regelnummer]
En̄ ghedincken / Heer / van desen /
 
Dat Ghi met uwen bloede roet
 
Den mensche droecht wt der noot.
 
Lieve Here / en gheeft nemmeere
 
Victorie noch ere
785[regelnummer]
Den volke dat U niet en mint /
 
En̄ u wet niet en kint /
 
En̄ uwen Heilighen Name blameren /
 
En̄ u ghelove al verkeren.’
 
En̄ doen hi daer lach en̄ weende /
790[regelnummer]
En̄ bat Gode dat hijt meende /
 
Verbaerde hem een eersaem man
 
Die bisscops abide hadde an /
 
En̄ hadde een cruce in die hant.
 
Doen wert hi soe zeer vervaert thant /
795[regelnummer]
Dat hi hem niet en bedochte /
 
En̄ oec spreken niet en mochte.
 
Doen sprac die man als hi dat siet:
 
‘En vervaert u noch een twint niet /
 
En̄ en wilt soe zeer niet claghen
800[regelnummer]
Dat die Kerstine sijn verslaghen
 
Vanden Heidenen alsoe sere;
 
Want het heeft God / Onse Here /
 
Ghedaen al om haer sonden /
 
Daer si langhe tijt in stonden.
805[regelnummer]
Maer hoer / ic wille di ghewaghen
 
Van vreseliken daghen /
 
Die comen selen herde saen /
 
Ia / die nu in sijn ghegaen /
 
En̄ vander tribulatien mede
810[regelnummer]
Die comen sal op Kerstenhede
[pagina 431]
[p. 431]
 
En̄ op die Roemsche Kerke met /
 
Daer die almachtighe God / dat wet /
 
Sal verwerken / sijts gewes /
 
Tfolc dat ongheloevich es /
815[regelnummer]
Dat grote wrake sonder ghetal
 
In dat Kerstenhede doen sal;
 
Want dieGa naar voetnoot1 nu over zee es bleven
 
Dien selen si nemen dleven.
 
Armenien selen si winnen
820[regelnummer]
En̄ verslaen die daer sijn binnen /
 
Ia / die mannen metten wiven/
 
Daer salmen jammer driven.
 
Ia / gheestelijc en̄ ander met
 
Sal vernoeyeren van sire wet /
825[regelnummer]
Om den anxt vanden live.
 
Ia / scone jonghe wive
 
Selen si behouden mede
 
Te hare groter oncuuschede.
 
Vroenten lant / also verre alst leit
830[regelnummer]
En̄ toe hoert der Kerstenheit /
 
Selen siGa naar voetnoot2 destrueren en̄ winnen /
 
En̄ doden diere sijn binnen /
 
Ia / die minste metten meesten /
 
En̄ werpense voor die beesten.
835[regelnummer]
In die kerken / in ware saken /
 
Selen si bordele en̄ stalle maken /
 
En̄ haer vuylheit aldaer
 
Doen omtrent den outaer /
 
Ihesum Cristum te scanden.
[pagina 432]
[p. 432]
840[regelnummer]
Dit sal sijn in vele landen /
 
En̄ vele in ellendeGa naar voetnoot1 selen vlien;
 
En̄ so wanneer si dit sien /
 
En̄ vele salder werden ghevaen.
 
Nu salt daer jammerlike staen.
845[regelnummer]
Ter zee sullen si tiden /
 
En̄ alsi die overliden
 
Selen si menighen stat winnen /
 
En̄ doden die siere vinden binnen.
 
Van Ytalien een groot deel
850[regelnummer]
Sullen si winnen / en̄ niet gheheel /
 
En̄ vechten menighen groten strijt.
 
En̄ die Kerstine tot elker tijt
 
Selen sterven sonder ghetal /
 
En̄ om haer sonden al /
855[regelnummer]
En̄ sonderlinghe om sonden .ij.:
 
Deen es die quade stomme sonde /
 
Diemen niet noemen en mach met monde;
 
Dander es persemen en̄ voorcoop /
 
Die over al heeft haren loop /
860[regelnummer]
Mids den welken wijf en̄ man
 
Ghevallen sijn inden ban.
 
Vele steden / des seker sijt /
 
Sullen sijn interdijtGa naar voetnoot2
 
En̄ irregulieren / dat wet /
865[regelnummer]
Want si haer provende daer met
 
Vanden ghenen ontfanghen dan /
 
Die selve waren inden ban /
 
En̄ die macht en hadden niet
[pagina 433]
[p. 433]
 
Yeman te gheven yet;
870[regelnummer]
Want pause ofte kardenale /
 
Oft ander prelate alsoe wale
 
Die symonien begaen /
 
Si sijn inden ban alsoe saen /
 
Oft wat si doen oft lien wien /
875[regelnummer]
Si selen inder waerheyt lien;
 
Dan heeft macht no cracht /
 
Want hets inden ban ghewracht.
 
Daer bi soe selen inder tijt
 
Vele stedenGa naar voetnoot1 sijn interdict /
880[regelnummer]
En̄ vele persone irregulere
 
(Dit es waer dat ic u lere);
 
Paus ende kardenale /
 
En̄ dat hof altemale /
 
Sal dan sijn inden ban.
885[regelnummer]
Dit es jammer te hoorne an /
 
En̄ om die symonien al.
 
Nu hoort wat hier na volghen sal.
voetnoot1
Hs. .V. Mc.
voetnoot1
Ps. 78.
voetnoot1
Hs. die ontbreekt.
voetnoot2
Hs. si ontbreekt.
voetnoot1
Hs. vele eylande.
voetnoot2
Hs. in dien tijt.
voetnoot1
Hs. stenden.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken