Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Hoe die cruysbrueders ghinghen, en̄ hoe tfolc penitencie dedeGa naar voetnoot1. C. XV.

1955[regelnummer]
ENe penitencie maecten si aldus:
 
Ghelijc dat God / Ihesus Cristus /
 
Een half min dan .xxxiij. jare
 
Op eerdrijc woude leven zwaer /
 
Alsoe menighen dach soe wouden
1960[regelnummer]
Sij haer penitencie houden.
 
Dus sijn si voort ghetoghen
 
Willichlike ende in hoghen /
 
.IIIm. ende vier hondert
 
Ce male / des menighen wondert.
1965[regelnummer]
Ghene aelmoesene en mochten si ontfaen /
 
Mar si mochten eten gaen
 
Metten ghenen dies hem bade /
 
Om die grote Gods ghenade.
[pagina 470]
[p. 470]
 
Een hoyke / als die meneghe weet /
1970[regelnummer]
Dat was sijn overste cleet;
 
Enen caproen aenghedaen /
 
Daer op enen velten hoet ghestaen /
 
Daer op ghenayt een cruce root.
 
Dit was emmer wonder groot.
1975[regelnummer]
Alsi penitencie souden doen /
 
Daden si ute cousen en̄ scoen /
 
En̄ haer cleder al ghemene
 
Sonder dat neder cleet alleue /
 
Arme en̄ scouderen naect
1980[regelnummer]
(Aldus hadden sijt ghemaect) /
 
En̄ daer boven daden si an
 
Een wit linen cleet dan
 
Met menigher ployen ghevouden /
 
Also sijt hebben wouden /
1985[regelnummer]
Dat hem sloech vanden stedenGa naar voetnoot1
 
Tote op haer voete beneden.
 
Aldus ghinghen si .ij. en̄ .ij.
 
Al om en̄ om / min no me /
 
Haren palayseGa naar voetnoot2 / sijt seker das /
1990[regelnummer]
Na dat haerreGa naar voetnoot3 vele was.
 
Gheselen hadden si doen maken /
 
Daer scarpe naelden in staken /
 
Daer si hem met sloeghen soe diep
 
Datter troede bloet wtliep.
1995[regelnummer]
In Dietsche hadden si enen sanc
 
Wel ghemaect / redelijc lanc /
[pagina 471]
[p. 471]
 
Die op Gode riep met ernste groot /
 
Dat Hise hoede vander gadoot.
 
Dien songhen si .ij. voren /
2000[regelnummer]
Datment verre mochte horen /
 
En̄ sij songhen alle nare
 
Oft ene litanie ware.
 
Drie werf soe vielen sij
 
Op haer knien / gheloeves mi /
2005[regelnummer]
En̄ telken si met allen
 
Cruuswijs ter eerden vallen.
 
Daer laghen si / sonder waen /
 
Tot datse die sanc hiet opstaen.
 
Alse .iij. werf was ghedaen /
2010[regelnummer]
Ghinghen tharen pape saen /
 
Die in midden die plaetse stoet /
 
En̄ vielen hem alle op den voet /
 
En̄ hi seide hem tgheloveGa naar voetnoot1 openbaer /
 
En̄ si seident alle nare
2015[regelnummer]
En̄ haer ghemeen biechte met.
 
Daer na thant / al onghelet /
 
Vielen si alle mettien
 
Daer na ter eerden op hare bloete knien /
 
En̄ soe absolveerde hise daer
2020[regelnummer]
Van al haer sonden claer.
 
Alse al dit was ghedaen /
 
Ghinghen si te haren pape saenGa naar voetnoot2 /
 
En̄ namen .ij. en̄ .ij. haer vaert
 
Al singhende ter kerken waert /
2025[regelnummer]
Soe datment verre mochte horen /
[pagina 472]
[p. 472]
 
Cruce en̄ vane altoes voren.
 
Daer ghinghen si als heelde
 
Voor der Moeder Gods beelde /
 
En̄ loofden met groter trouwen
2030[regelnummer]
Gode en̄ Onser Liever Vrouwen
 
Met dietschen sanghe / als ic versta /
 
Sij .ij. vore / alle dander na /
 
En̄ riepen op Gode met oetmoede
 
Dat Hise vander gadoot hoede.
2035[regelnummer]
Dit daden si / sonder saghe /
 
Twee werf in elken daghe /
 
En̄ .iij. werf opten vridach.
 
Dit weet ic wel / want ict sach.
 
Si en mochten nieman bidden goet /
2040[regelnummer]
Want haer regule also stoet;
 
Mar si mochten eten telker stat
 
Metten ghenen dies hen dat.
 
Vele zeden hadden sij / twaren /
 
Die nerghent toe goet en waren /
2045[regelnummer]
Alsoe als tleer volc doe
 
Wt hem selven brachte toe.
 
Daer ane lach cleine bate /
 
Die ic hier al varen late.
 
Soe meneghe menschen weten dat.
2050[regelnummer]
Ic hoorde tAntwerpen / daer ic sat /
 
Dat bi Hongherien staet een lant /
 
Dat Palanen es ghenant /
 
Dat wel wt brachte te male
 
.XLm. man by ghetale /
2055[regelnummer]
Starc / vrome ende coene /
 
Als haer here hadde te doene.
[pagina 473]
[p. 473]
 
Dese waren soe verstorven /
 
Datmen daer cume hadde verworven
 
.IIm. in allet lant.
2060[regelnummer]
.I. stedeken stont daer an den kant /
 
Daer tfolc doot was al ghemene /
 
Sonder die prochie pape allene /
 
Die bleef in groter noot /
 
Want al sijn vriende waren doot.
2065[regelnummer]
Doen hi hem selven uter maten
 
Van vrienden / van maghen sach ghelaten /
 
Peynsde hi te hant in sinen moet /
 
Dat gheen dinc en waer soe goet
 
Dan hiGa naar voetnoot1 sijn herte an Onsen Here
2070[regelnummer]
Te male voeghede voort mere /
 
Daer alle salicheit aen leit /
 
En̄ die nieman af en gheit;
 
Want sijn vrienscap ewelike
 
Moet hem dueren in hemelrike /
2075[regelnummer]
Als hem alle vriende afgaen.
 
In dat wout so ghinc hi saen /
 
En̄ maecte op enen boem thant
 
Een huysken met sire hant /
 
Daer hi hem soude onthouden wel
2080[regelnummer]
Ieghen welde beesten fel.
 
Oec heeft hire opghedraghen
 
Vrucht die wast an die hagen
 
En̄ die bome wtgheven /
 
Om dat hire af soude leven.
2085[regelnummer]
Doen hi dus hadde gheseten
 
Tot dat sijn cruut was gheten /
[pagina 474]
[p. 474]
 
Ghinc hi af inden woude
 
Om dat hi ander zueken soude.
 
Doen hi dus ghinc haer en̄ daer /
2090[regelnummer]
Sach hi gaen daer openbaer
 
Enen ouden man van bloede roet /
 
En̄ hadde een dornen crone op thoet /
 
Met enen aenschijn zere verbolghen /
 
Daer .xij. manne na volghen
2095[regelnummer]
Met groter droesheit bevaen.
 
En̄ daer na sach hi saen
 
Comen een deel joncfrouwen
 
Die scenen al vol rouwen /
 
Die alte zuverlijc waren.
2100[regelnummer]
Daer na sach hi / te waren /
 
Ene coninghinne alte scone /
 
Die opt hoet hadde een crone /
 
Die licht alsoe groet gaf
 
Datter dwout al verclaerde af /
2105[regelnummer]
Daer in stont menich steen
 
Die als die dachsterre sceen /
 
Scoen en̄ van menigherande manieren.
 
Doen sprac die vrouwe goedertieren:
 
‘Pape / waer om en vraeghdi niet
2110[regelnummer]
Om dat wonder dat ghi hier siet?’
 
Die pape neech ter vrouwen waert.
 
‘Vrouwe / sprac hi / ic ben vervaert
 
Dat ic spreken niet en dorste.’
 
Die vrouwe sprac: ‘Die vorste
2115[regelnummer]
Metter dornen crone
 
Dats Cristus / mijn Sone /
 
Dien ic hebbe allene
[pagina 475]
[p. 475]
 
Met sinen Vader ghemene.
 
Soe groot es nu sijn gramheit
2120[regelnummer]
Op sijn edele Kerstenheit /
 
Dat Hijt al willet bederven
 
En̄ haestelike doen sterven /
 
Als Hi begonnen heeft thant
 
Swaerlijc in menich lant.
2125[regelnummer]
En̄ om dat Hi dus es verbolghen /
 
Soe moeten wine vervolghen
 
Bi daghe ende bi nachte /
 
Om sinen moet te doen sachten
 
Van sire groter gramhede.
2130[regelnummer]
Nu soe gaet sonder beden
 
In die capelle die daer jtaet /
 
En̄ doet messe sonder verlaet:
 
Ic hope ons sal goet ghescien.’
 
Die pape antwerde mettien:
2135[regelnummer]
‘Vrouwe / dat en constic niet volbringhen /
 
Want daer en sijn ghene dinghen /
 
Broot / wijn / vier / boec / dat wet /
 
Daermen messe doet met /
 
Noch custere vorwaer.’
2140[regelnummer]
Die vrouwe sprac: Ganc aldaer;
 
Du salte ghereescap vinden al /
 
Datter messen toe horen sal.
 
En̄ leest messe / Gode teren /
 
Vanden heilighen Ons Heren /
2145[regelnummer]
Wi selen u messe comen horen.’
 
Aldus ghinc die pape voren /
 
En̄ vant al dat ghereet
 
Datter messen ane gheet /
[pagina 476]
[p. 476]
 
En̄ enen custer daer toe mede.
2150[regelnummer]
Si quamen al daer ter stede.
 
Daer soe wert den goeden man
 
In die misse vertoent dan /
 
Hoe en̄ in wat manieren
 
Men penitencie soude hantieren
2155[regelnummer]
Ieghen die felle gadoot /
 
Die onder tfolc was soe groot.
 
Die pape deet te verstane
 
Den hertoghe van Pallane.
 
Die hertoghe deet voort bekant
2160[regelnummer]
Den coninc van Hongherien lant /
 
Daer hi onder es gheseten.
 
Nu soe suldi alle weten /
 
Dat ict hebbe gheseit
 
Datsij souden sienGa naar voetnoot1 die waerheit;
2165[regelnummer]
Mar aldus liep die mare
 
In Brabant haer en dare.
 
En̄ die coninc dede saen
 
Die penitencie anegaen
 
In sijn lant / al sijn liede /
2170[regelnummer]
Alsoe si namaels ghesciede.
 
Wedert loghene was of waer /
 
Sekerlike dat laet ic daer.

voetnoot1
Zie Brab. Yeesten, I, bl. 588, v. 4955 volg. in de Aanteekeningen.
voetnoot1
Dat sloech van gorde steden. Zoo leest men in de Brab. Yeesten, I, bl. 589, HS. D., v. 31.
voetnoot2
Plaetse, Brab. Yeesten, v. 35.
voetnoot3
Hs. Hare.
voetnoot1
Hs. ghelove.
voetnoot2
Deden si causen ende clederen an, Brab. Yeesten, v. 68.
voetnoot1
Hs. Dan dat hi.
voetnoot1
Hs. sijn.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken