Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Dit sijn noch die .X. ghebode.aant.

 
MEnsche / hoor en̄ merct aen mi /
 
Dese .X. ghebode lere ic di
 
Met eenre corter lere /
 
Die saltu emmermere
5[regelnummer]
Draghen inder herten dijn /
 
Wildi erve des hemels sijn.
 
Nu hoort hier dat eerste ghebot:
 
Vrucht en̄ blee en̄ min God /
 
Ende gheloeft dat Hi allene si
10[regelnummer]
Ghewarich God / en̄ staet Hem bi.
 
Dat ander: En neemt in dinen mont
 
Onnuttelijc Hem in gheenre stont;
 
Dattu meyneeden niet en zweers /
 
Daer du dijn ziele mede verseers.
15[regelnummer]
Dat derde: Hont dijn vierte weert
 
Des sondaghes / dats dat God begeert;
 
Daer aen suldi uwen arbeyt sparen/
 
En̄ u met goeder daet bewaren.
 
Dat vierde du wel merken sout:
20[regelnummer]
Eert vader en̄ moeder / en̄ sijt hen hout /
 
Soe datmen trouwe aen di spore;
 
Arbeyt hen in haer oudere vore.
 
Dat vijfte onthout / het es noot:
[pagina 636]
[p. 636]
 
Dune salt nyemene slaen ter doot /
25[regelnummer]
Weest oec ter volleest niet bewant /
 
Dijn raede en moerde noch dijn hant.
 
Dat seste: Du salt cuusch wesen /
 
Oftu voor Gode wils ghenesen;
 
Sijt cuusch met al dijnre daet /
30[regelnummer]
Soe wert wel dijnre zielen raedt.
 
Dat sevende: En sijt gheen dief /
 
En̄ en laet di nemmer sijn lief
 
Eens anders goet / want di niet en teemt /
 
Daer omme die duvel dijn ziele neemt.
35[regelnummer]
Dat achste: En wes gheen valsch ghetuuch /
 
Dune saelt niet lieghen / no en bedriech
 
Niemene / want het wert di goet:
 
Hi es salich die dese lere doet.
 
Dat neghende ghi wel onthouden selt:
40[regelnummer]
Ghine sult begheren met ghewelt
 
Noch tonrechte nyements scat /
 
Noch met rove noch met vorsat.
 
Dat tiende in dijn herte schrijs:
 
Dune salt begheren nyemens wijf /
45[regelnummer]
Noch dat wijf nyemens man;
 
Want grote sunde leeght daer an /
 
En̄ si verdienen den ewighen ban.
 
Mensche / dit sijn die .X. ghebode /
 
Die diGa naar voetnoot1 van Onsen Here Gode
50[regelnummer]
Ghegheven te houdene sijn dijn leven;
 
Dien saltu also sijn beneven /
 
Dattu die ziele alsoe bewaers /
 
Dattu den duvel ontfaers.
[pagina 637]
[p. 637]
 
Dit hout vaste in dinen sinne:
55[regelnummer]
Gode vrucht / vieyt en̄ minne /
 
En̄ zweer bi Hem gheen meynede;
 
Eert vader en̄ moeder beyde /
 
Houdt dijn vierte waer du macht /
 
En̄ huedt di voor manslacht.
60[regelnummer]
Sijt reyne en̄ hebt cuuscheyt lief;
 
Daer toe en sijt oec gheen dief;
 
Voor valsch ghetughe wes behoet /
 
En̄ begheer tonrechte nyements goet.
 
En̄ brec oec niet dijn huwelic orden.
65[regelnummer]
Dese .X. dit sijn Gods worden.
 
Nu hebt lief dese .X. ghebode /
 
Die ons beval Onse Here Gode /
 
En̄ nader leren doet die daet.
 
Wat helpt die lere diemen haet /
70[regelnummer]
Daermen die werke niet en doet?
 
Mensche / wildi sijn behoedt
 
Vander hellen gloede /
 
Soe neemt in dinen moede
 
Van mi dese lere /
75[regelnummer]
En̄ behoutse emmermere
 
Besloten inder herten dijn /
 
En̄ doet met uwen werken aenscijn /
 
Soe blijsdi vander hellen vri /
 
En̄ die duvel vliet van di /
80[regelnummer]
Die / leyder! op di heeft ghezworen;
 
Want du beste ter hemelscher vrouden vercoren /
 
Die hi door hoverde heeft verloren.
 
Van plompen sinne hebbic nu
 
Wel cume bracht dit boecsken toe.
[pagina 638]
[p. 638]
85[regelnummer]
Vorwaer sijn sin es mi te sterc /
 
Maer ic voer bi des waters merc /
 
Aenden oevere mijn scep ran.
 
Aergere diepte ic mi versan /
 
Leyder! mijn scep was te cranc /
90[regelnummer]
Haten moestic diepen ganc.
 
Dieper redene mijdic doe /
 
Droeghes oevers was ic vroe /
 
Hulpe nam ic by mi waer
 
Aen Gode / een licht der werelt claer /
95[regelnummer]
Die reyne es alles wandels vry.
 
Recht es Di dit wonder bi
 
Vader / Sone en̄ Heilighe Gheest /
 
Die .iij. personen in een Du dreechst /
 
Sus es dijn wonder alte groot.
100[regelnummer]
Siet / God / met minen sinnen bloet
 
Vaer ic minen meester nae:
 
Van verren sueckic / maer doch ic ga.
 
Ach / God! mijn dicht es als een droem.
 
Leght aen die spotters dinen toem!
105[regelnummer]
Dies baedic vore / noch bidicx na.
 
Helpt mi dat nuttelijc besta /
 
Soe dat siere bi verbetert sijn
 
Diet horen aen dit boekelkijn.
 
Edele God / doer dine drie namen
110[regelnummer]
Verlicht onsen noot. Nu sprect Amen.

voetnoot1
H. du.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken