Totten goetvvillighen Leser.
ALsoo beminde leser verscheyde persoonen Geestelijcke ende Vvereltlijcke genuchte nemende in mijn slechte dichten, vvenschten dat de selve sonden int licht comen, ende dat ick gevonden hebbende eenige bequaemicheyt my daer toe heb laeten gheseggen: Soo hebbe ic v, beminde leser, inden aenvanck vvillen vvaerschouvven dat ick noyt en ben ondervonden oft geoeffent gevveest inde conste der duytsche Retoricijns, op dat ghy v niet en vervvondert, zoo verre ghy int lesen bevindt dat ick in alles niet en hebbe pertinentelijck onderhouden allen die vvetten van Rhetorica, besunders vanden Brabantschen stijl: maer denckt dat ick meer heb gesocht manieren te stichten, dan soeten oft constigen rijm te dichten.
Vaert vvel.
Auteursrechtvrij