Refereinenbundel, Anno 1524

Refereyn IX
My dunckt tis al mal een mal andere

Die werlt verkeert nu valscheyt regneert nu
elc begeert nu syn eyghen baet
Men vloict men sweert nu iusticie faelgeert nu
niemant en eert nu den geestelyken staet
Duecht wordt versmaet bi sduuels raet
die nu doet quaet den setmen voert nu
Die een dander haet die werlt dus gaet
op scaetsen maet tis al discoort nu
Van god wie hoort nu suydt of noordt nu
Spreken een woort nu dan van boeuerijen
Wat worter vermoort nu om valsche partijen
haer compaingnie is sotternie ist vlaminc hollander
Mi dunckt tis al mal een mal ander

Om datter discencie in menighe conuencie
duertyt pestilencie coemt mitter spoet
Wi maken geen mencie van penitencie
tfy consciencie alst geldeken doet
Ic bins wel vroet dattet onnosel bloit
scat gheuen moet spijt sijn cuwen
Wiet lichaem voet mit onrecht goet
al ist hier soet sy moghen wel gruwen

[p. 26]

 

Dese scouten baeliuwen die den ermen verduwen

 

dexcisen vernuwen int ertsche dal

 

⁺Justicie sy scuwen si grypen als wuwen

25

twort op een cluwen ghewonden al

 

Slot noch wal hout groot noch smal

 

sy sollen den bal tot malcander

 

My dunckt tis al mal een mal ander

 

 

 

Wy leuen als honden diet wel can gronden

30

want wt twe monden spreken wy bi vlaghen

 

Ouermits onse sonden tot alle stonden

 

vernieuwen wi goeds wonden dus crygen wi plagen

 

Wy en hebben gheen claghen want wi dragen

 

op vrienden op magen haet ende nydt siet

35

Tis groot mishaghen icken sacher myn daghen

 

meer bannen veriaghen dan nu ter tyt siet

 

Deen dander verblyt siet van rechter spyt siet

 

elc loopt om stryt siet om te cryghen een officij

 

Die een budel snydt siet hij woert gecastyt siet

40

mer heeft hi gelt hi gaet quyt siet non potest dici

 

Die repetici is sunt amici

 

nauwe doetmen iustici ouer een mordtbrander

 

My dunct tis al mal een mal ander

 

 

 

Trou is blint gheen trou men vint

45

die werlt begint al heel te dwalen

 

Gheen broot men vindt diet wel versindt

 

tegens die vader wilt tkint nu wederpalen

 

Pausen cardinalen clercken bursalen

 

⁺duytschen ende wale alteenenmalen

50

Beghinnen sy te dwalen want duecht sy haten

 

spaus ondersaten sy gheuen oflaten

 

om twe ducaten ist niet goet coop

 

Dan synder legaten roffiaens soudaten

 

die ghern mede aten vanden roomschen sijroop

55

Den helen hoop suijp al een soop

 

waer ic loop of waer ic wandere

 

My dunckt tis al mal een mal andere

+ Fol. 22^v (xi^v)

+ Fol. 23 (xij)

[p. 27]

 

Prinche

 

 

 

Tis al rebel dat sietmen wel

 

int ouerspel soe leefter veel nu

60

Venus gequel brengt menich te hel

 

want elc om snel loopt in bordeel nu

 

Ten is gheen sceel nu elc is eel nu

 

sy draghen fluweel nu dese groue bueren

 

Sy maken thaer geel nu dits tgespeel nu

65

besteken mit meel nu sy moeten natueren

 

Mer soudmense pueren men moestse scueren

 

in een sac veren vol cleijn cluten

 

Want sy borduere ende weruclueren

 

in vreemde figueren haer cousen mit ruyten

70

Si moeten wtmuten wi sient van buten

 

mer mal bliuen sy int sluijten

 

As die soete brabandere

 

My dunckt this al mal een mal andere