Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refereijn X Ga naar margenoot+Ic draghe liefde doer Venus camerierkens O venus motyf van veel mutacien godinne der minnen vulcanus getroude V vader saturnus vol van fallacien v kint cupido die noyt licht en scoude 5[regelnummer] Als cupido der lieften strael wt stoude blies haest vulcanus der minnen vier Twelc ghi o venus rasch als die boude in v dienaers ontfoncte nu daer nu hier Saturnus daer nae valsch van manier 10[regelnummer] doer druc dede dicwil dwalen die dierkens Al claghende ic oec segghe myn dangier ic draghe liefde op venus camerierkens
[pagina 28]
Haer vrindelick woerdekens haer solaceringhe haer blyde gelaet haer raechdelijck leuen 15[regelnummer] Haer ionstich bywesen soet van hanteringhe haer eerbaer woerdekens heb ic beseuen Sy houden my herte hem soe vast beneuen vesta diana syn nu vergheten Haer wet is al wt my verdreuen 20[regelnummer] vlcanus vier dat heuet verbeten Des stralen snelheyt wie canse weten vriendelyc quetsende nae haer manierkens Des lyde ic al soudicker om suchten ende beuen Ga naar voetnoot23 ic draghe liefde op venus camerierkens 25[regelnummer] Wie soude versmaden die gulden vlechtkens Ga naar margenoot+die blinckende bruyn oochskens die wanghekens root die noeskens te maten ende oec seer rechtkens die lipkens synde als robijnen genoot die halskens gedraijt verstatet bloot 30[regelnummer] wit als yuorien reijn sonder vlecken die borstkens ront elc als een cloot die sy mit syden doixkens decken Haer ledekens voert tot allen plecken soe wel volmaect ay god hoe fierkens 35[regelnummer] Ic en machs mynre herten niet langer ontrecken ic draghe liefde op venus camerierkens Prinche Het oghe mint teerste beuaten daer nae die sinnen ten laetsten taerte Vast hebbende sy en connens niet licht gelaten 40[regelnummer] dus lyden sy by tyden grote smarte Die ghescreuen syn in venus carte geheyten der minnen souwenierkens Tvier der minnen leijt mij inden starte om dat ic drage liefde op venus camerierkens	margenoot+ Fol. 23^v (xii^v) voetnoot23 de c van suchten verb. uit s margenoot+ Fol. 24 (xiii)

Vorige Volgende