Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 41]
Refereijn XVIII Tis een erm bruiloft daer broot ghebreect EEn vrouken van keijhem ende ioncker dwaes souden te samen in huwelyck vergaren Daer en was tetene broot botter noch caes daer versaemde al volxken ghelyc by paren 5[regelnummer] Als daer die bruyt ende bruygom waren Twasser qualick gestelt om vruecht te maken Elc hoopten mitten tanden in die spijse te varen Op die taeffel lach alte schoone laken Daer dachter veel dit syn vreemde saken 10[regelnummer] wij en sien hier brenghen eten noch drinken Tginc teghen den auont elc verdroot te waken duer tlanck beyen begonster veel te wincken Wy moghen die bellen en di keyen doen clincken sprac daer een loopt ghi mit mi nu vertrect 15[regelnummer] tis een erm bruloft daer broot gebrect Ga naar margenoot+Die bruijt die sprack mit goeder herten verlanckt niet wij sellen vrolick wesen Wij brassen noch vruechdelic sijt loss van smerten men begonster cruden en wortelen te lesen Ga naar voetnoot19 20[regelnummer] Men maecter pottagi of, vrienden ghepresen diese pruefde die hadder ter stont ghenoech Die hert inden buyck was die creech ghenesen om dees lecker pottagie daer elc seer loijch Dit volxken creech daer haer gheuoech 25[regelnummer] sonder broot twas quaet mitten tanden te malen Elc dochte hoe coem ic in desen ploich van de gespen en de oren was daer tverhalen Daer wij dus comen moet onse buijc falen niet te min ons dermen worden wel gherect 30[regelnummer] Tis een erm bruloft daer broot ghebrect Ga naar voetnoot30
[pagina 42]
Die brudegom seyde laet ons dansen en reyen daer was cleyn vruecht daer en quam geen broot Die sulcke had gern syn tanden doen weijen sy leden van hongher seer grooten noot 35[regelnummer] Noch seij die brugom dat alte wel sloot men bereyt wat leckers wilt vrolick syn Die sulcke seyde tis lueghene bi gans doot dits wel een bruloft mit allen fyn Al en hebben wy broot bier nocht wijn 40[regelnummer] goet gruytenbier isser wel te poijen Soe lecker alst opti mase is of opten rijn die knechten liepen het gincker al scoijen Ga naar margenoot+Nie man en sach sulc volxken van roijen dit seijde een scheel vrouken seer weeck gebect 45[regelnummer] tis een erm bruloft daer broot ghebrect Prince Pouer bestierde die kueken al geheel des bruloft was sonder broot gheent Al haddense slechtelick van anders haer deel waar broot ghebreckt daer is thof gescent 50[regelnummer] Nemet in dancke prince excellent laet tcoren malen eermen bruloft begint Want daer pouer ter kuekene wort gesent hy bestiert datmer luttel of niet en vint Dees bruloft lieden vruecht die was gedint 55[regelnummer] luttel was die mage gequelt vander spysen Elc seijde daer/wat ou wy sy cleyn ghemint een bruloft sonder broot is cleyn van prijse Men derffer niet seer sorghen om dexcyse wy en hebben dumen noch vingher ghelect 60[regelnummer] Tis een erm bruloft daer broot gebrect	margenoot+ Fol. 31^v (xx^v) voetnoot19 de r van cruden boven het woord bijgeschreven. voetnoot30 de r van broot boven het woord bijgeschreven. margenoot+ Fol. 32 (xxi)

Vorige Volgende