Refereinenbundel, Anno 1524

[p. 90]

Refereyn XLVII
Tes wonder dat ic myn sinnen behouwe

O fortunose sinnen / in groten dolacie
my houwende van binnen / mit arguacie
vol tribulacie
dies ic als sneu vander sonnen verdwijne
Troosteloos bliuende vol fantasacie
therte doerknagende in desperacie
mit lamentacie
leyende myn leuen mit druck en pijne
O regoruese tyt vul van fenijne
my brengende mit wenende aenschyne tot inden fijne
dus roepe ic ghenade o venus vrouwe
Iic en weets te claghen tot desen termijne
verdoolt blyf ic in dyn woistijne
dus segic eenpaerlick mit groten rouwe
tis wonder dat ic myn sinnen behouwe

O venus die my den strael in scoot ^16
+staet my doch by in mynder noot
int steruen die doot
duer liefs ghesichte die welcke my cleyn acht
Helpt doch draghen myn wederstoot
ic moet v claghen my lyden groot
scoon mondelen root
thert is nu van binnen allso bedacht
Lijf en ziele staet al te iacht
dies ic nu bliue in druck versmacht
by daghe by nach
gheen vruecht ter werlt ic nu aenscouwe
Fortune hout mij mit haerder cracht
dat hert van binnen nemmermeer en lacht
dus is myn clacht
roepen in druck men vint gheen trouwe
tes wonder dat ic myn sinnen behouwe

16 de n van den verb. uit der

+ Fol. 61^v (l^v)

[p. 91]

 

O venus goddinne hooch van valuere

 

ist al om niet dat ic labuere

35

int soeit int suere

 

soe mach ic myn oghen met tranen wel dwaen

 

Claghende elendich creatuere

 

dat ic oyt ontfine menschelick figure

 

myn cranck auentuere

40

moet ylacen daer om die doot ontfaen

 

Verstandenisse noch memorie mach wederstaen

 

⁺waer ic mach lopen rijden of gaen

 

ic bin beuaen

 

mit druck dies ic int herte verflouwe

45

Hope faelgeert tis nu al ghedaen

 

ic en weet ter werlt wat bestaen

 

dus segic voerdaen

 

mistroostich claghende mit last van rouwe

 

Tes wonder dat ic myn sinnen behouwe

 

 

 

Prinche

 

 

50

Myn claghelyc / claghen gaet my te naer

 

tverdraghelyc / verdraghe valt mij te swaer

 

dus segic eenpaer

 

dat ic mij seluen kenne nauwe

 

Verdooft van geeste nu hier nu daer

55

suchtende kermende mit groten vaer

 

elc wacht hem claer

 

dat hi venus acker niet en vernouwe

 

want this wonder dat ic myn sinnen behouwe

+ Fol. 62 (li)