Refereinenbundel, Anno 1524

[p. 92]

Refereijn XLVIII
Eender troost is mij ghenoich voer m suchten

O hittich verlanghen o vierich blaken
myn sinnen ontscaken / wat sal ic maken
Twijfel seijt dat mij niet en sal naken
dan bitter trueren
O blosende mont seer scoon van spraken
⁺die my doet haken / suchten en waken
Hoe muechdi myn sinnen aldus gheraken
in dit becueren
O swaer besueren / vol van dolueren
als mij haer opsien mach ghebueren
bin ic pluckende der minnen vruchten
Eender troost is mij ghenoech voer M suchten

Als dooghe doer dooghe complexie kent
ist niet torment / te syne absent
van haer die int hert staet gheprent
als een goddinne
Als ic haer niet en mach sijn omtrent
als minnaer blent blyfic ghescent
duchtende dat sij haer herte went
tot eens anders minne
Ic werde hier inne / beruert van sinne
mer als ic van haer confoort ghewinne
ben ic scouwende alle archs gheduchten
eender troost is mij ghenoich voer M suchten

Al seyt twyfel tis pyne verloren
al hadic toren / als ic mach horen
den soeten tresoor bouen allen tresoren
druc is vergheten
Tis recht wan ic heb haer trou gesworen
⁺als lief vercoren / die hoechste gheboren
plach ic te syne ter dueren voren
alleen gheseten

+ Fol. 62^v (li^v)

+ Fol. 63 (lii)

[p. 93]

 

Dan liet ick haer weten / al myn secreten

 

al heb ic in twijfel mijn tyt versleten

35

hope seyt laet varen duchten

 

eender troost is mij genoich voer dusent suchten

 

 

 

Prinche

 

 

 

Princesse ic bid v een minlijc groitsele

 

troostelijc bloitsele / aldersoitste voitsele

 

vliet trueren druc en teghenspoitsele

40

myn hemelsche blijscap vol soiter luchten

 

eender troost is mij ghenoich voer M suchten