Refereinenbundel, Anno 1524
(1930)–Jan van Stijevoort–
Auteursrecht onbekendLXIV
Ga naar margenoot+In beghin was dwoort en dwoort was bi gode Ga naar voetnoot1
en god was dwoort
En een ewich woort
ouer alle dinghen hebbende ghebod Ga naar voetnoot4
5[regelnummer]
Oost west zuyt noort
om ghemeen confoort
| |
[pagina 123]
| |
Alle woorden vanden propheten gehoort
hebben doer dwoort haer wesen ontfaen
En tselue woort in een godlijck accoort
10[regelnummer]
heuet twoort als woort mitten worde voldaen
Sonder dwoort soude tgeloue vergaen
sonder dit woort en maectkmen geen sacrament
Die thien geboden souden wanckelic staen
waer twoort gods niet in ons gheprent
15[regelnummer]
Den wech des ewich leuens is ons bekent
doer dwoort dat vleysch gemaect is bi crachte
Tis daldersalichste beghin ende ent
soe segt ghij menschen bij daghe bij nachte
Dat is tsalichste werc dat god noijt wrachte
20[regelnummer]
O woort dat worden syt vleysch en bloit
siele ende lichame
God ende mensche bequame
aen een maget / maget bliuende vol alder ootmoet
Sonder enighe blame
25[regelnummer]
tot smenschens vrame
O woert dat om die misdaet van Adame
Ga naar margenoot+wt minnen sijt ghedaelt hier beneden
En iesus hebt ontfanghen den name
die persse hebdi alleene ghetreden
30[regelnummer]
O woort dat soe veel hebt gheleden
in vleesch in bloit om smenschen sonden
Ghestoten gheslaghen tot vele steden
ghegeeselt ghecroont ende ghebonden
O woort aent cruce ontfaende vyf wonden
35[regelnummer]
welc ons de voet van salicheden brachte
O woort vloit v tot alle monden
want nae myn verstant sondege drachte
Dat is tsalichste werc dat god noyt wrachte
O wonderlyc salich werck van minnen
40[regelnummer]
woort alles machtich
Een god warachtich
ombegrypelyck alle menschen sinnen
| |
[pagina 124]
| |
hoe sterck hoe crachtich
hoe wys hoe voordachtich
45[regelnummer]
Ja die engelsche natuer eendrachtich
verblyde als dit salich woort toe ginck
Dat voer god alder gracien deelachtich
minschelyc vleesch en bloit ontfinck
Alsoe saen als maria dwoort beuinck Ga naar voetnoot49
50[regelnummer]
wast vleysch en bloit en wert gheboren
Ga naar margenoot+Ende tself woort daer hemel en eerde aen hinc
moeste dan steruen voer dat was verloren
Alsoe tghepropheteseert was van te voren
daer menighe salighe siele nae wachte
55[regelnummer]
O woort god en mensch vleysch vercoren
voor alle wysen gheleerden grachte
Dat is tsalichste werc dat god noyt wrachte
Prinche
Princesse vander eedelder goutbloimen
die nae conste haect
60[regelnummer]
Myn reden smaect
Voer tsalichste werck sal ict stout noemen
dwoort wel gheraect
dat vleysch was ghemaect
Gheboren ghepasseert al moedernaect
65[regelnummer]
mit synen bloide svaders tooren sachte
Al waert dat ghy allen contrarie spraect
myn dunct altyt in myn ghedachte
Voer tsalichste werck dat god noyt wrachte
|
|