Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereijn LXVI Tes wel een erm bruloft daer broot gebrect Daer die brugom in vier syden beroyt es ende soe nae gescoren ende gheuloyt es sonder hemde springhende mit naecte benen Ende synen danscers soe gexpuerjoyt es 5[regelnummer] en muylen heeft aen al syn teenen En nerghens ghelooft es tontleenen Daer nae die bruyt sit ghelyck valentyn op een cussen buijten ende binnen van steenen en daermen den wyn drinct soe hy vliet inden ryn 10[regelnummer] Dit moet wel een mottich bruloft syn Ja te erm datmense voor erm vertrect Nochtans dits al te lyden een cleyn gepijn mer bouen al seggic int fyn Tes wel een erm bruloft daer broot gebrect
[pagina 129]
15[regelnummer] Ga naar margenoot+Daer de bruyt losch enen ghescoren bol heeft en daer op van wyngaerde eenen rol heeft ende enen blouwen couel op twe gebroken socken Ende die te huwelic den groten tol heeft en achter straten. menighen pol heeft 20[regelnummer] en daermen moet gaen bidden salmen scocken Ende daer vele voorsnijders der bruijt voer brocken en daermen mit een mijtken offert int openbaer En daer sy elc ix kinderen tsamen locken en daer die croepele biscop eerbaer 25[regelnummer] mit voerryen den dans verstect Tis een pouer bruloft ic segt v claer al danstmer neghen weken naer Tis wel een erm bruloft daer broot ghebrect Daer die bruloft is soe dier becanst 30[regelnummer] datmer om tscrapen vanden rooster danst en daer die cock van raeptstelen maect pasteijen En daert soe qualic ghekieckent is en gheganst datmen voort twiltbraet haechbessen scranst voerwaer daer ist wel te drogher weijen 35[regelnummer] En daer die bruyt moet haer seluen leyen en daer dmarscap bijster is ouer al En daer die scottel mitten knope int scheijen ronts om gaet daert wt drinckt groot en smal En daer hoere xii int ghetal 40[regelnummer] mer v mosselen en werden voort ghestrect Ga naar margenoot+Ic meijnt een erm bruloft heten sal waert dus ghebuert mer bouen al Tis wel een erm bruloft daer broot ghebrect Princhesse Daer die brugom soe slecht is int scumen 45[regelnummer] dathi om een scaepshooft die stadt moet rumen half sit mit ingheuallene caken En tsauons moet gaen int gasthuys slumen
[pagina 130]
of in die coolhof op een bedde sonder plumen sou daer yemant die bruyt willen waken 50[regelnummer] En die hem smorgens int schietspel wilt maken erghens voer die kercdoere voer syn gheniet En hoopt hi sal dat wit gheraken haddi onrecht die dit een erm bruloft hielt Nochtans hoe byster dat hier ghesciet 55[regelnummer] ic segghe welc ons tot vruechden verwect Ga naar voetnoot55 Doffgheslaghen van alle verdriet die alle erm bruloften wel doersiet Tis wel een erm bruloft daer broot gebrect	margenoot+ Fol. 84 (lxxiiii) margenoot+ Fol. 84^v (lxxiiii^v) voetnoot55 ver van verwect boven den regel bijgeschr.

Vorige Volgende