Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 175]
Een ander refereijn XC Es dit niet ter werelt een paradijs Als twe gheliefkens tsamen vergaert sijn in houwelyken staet vol melodyen En sy wel ghemaniert gent naden aert syn vruecht moet daer ghebaert syn / van beide syen 5[regelnummer] Als sy dan in malcanderens aenschyn verblijen hen liefde draghende in reynder minnen Niet achtende wie hem mach benijen mer altyt liefken es hens woordt beginnen Ja waer sy syn tsy buten of binnen 10[regelnummer] daer nemmermeer twist en is noch discoort Ga naar margenoot+Daer sij soe godlijken verwaren haer sinnen dat soete lief es hen beijer woort Daermen dusdanighe vruecht orboort Ga naar voetnoot13 en lieffelyck houdende es een auys 15[regelnummer] Ees dit niet ter werlt een paradijs Een paradijs dunckt my dat wesen moet doer tlieflick woort seere siet van thoone Ga naar voetnoot17 Als die man dan seyt ghi waert gepresen goet en wtgelesen soe propre ende soe schoone 20[regelnummer] Als tvrouken dan antwoort ghy spant de croone in mynder herten lief sonder beswijken Als die man dan otfuncken es los van hoone ende gaet den vrouken haer handekens stryken Als sy dan in malcanderens oochskens kycken 25[regelnummer] dat tdoicksken ontspelt wort vry sonder vaer En laet den man wt liefden blycken een vrolic wesen en haer geeluwe haer Als dan die twe ghelieuekens daer wt liefden verpachtende syn venus chijs 30[regelnummer] Es dit niet ter werlt een paradijs
[pagina 176]
Alst twerck van minnen dan volbracht es doer tlieffelyc sien ende tboirdelick tooken En men daer verlangende weer naeder nacht es en vruecht verpacht es / doer venus stooken 35[regelnummer] Ga naar margenoot+Als tvrouken dan seyt nu es tbedde gebroken O ist niet lieffelick siet / op myn trouwe Als vanden man dan wordt gheproken ic salt weder maken blyft los van rouwe Gaet speelt ghy een lieken myn wertste vrouwe 40[regelnummer] en laet toch v santoriken clincken Want myn herte verblyt als ic v aenscouwe doer v vrindelyck oochskens die op mij wincken Als sy hem dan gaet een lieken scincken waer doer hy haer is geuende lof en prys 45[regelnummer] Es dit niet ter werlt een paradijs Prinche Die den name vanden haze draecht siet Ouerpeyst dit leuen eest niet een vruecht. Als van hen beyen en wordt gheclaecht niet mer elcken behaecht siet / malcanders vruecht 50[regelnummer] En opgroyende syn in huerder iuecht ghelyc een wel ghebloyet rys Berecht myn vraghe op dat ghi muecht Es dit niet ter werlt een paradijs	margenoot+ Fol. 112 (ciiii) voetnoot13 de r van Daermen boven den regel bijgeschreven. voetnoot17 na seere is sitte doorgehaald. margenoot+ Fol. 112^v (ciiii^v)

Vorige Volgende