Refereinenbundel, Anno 1524
(1930)–Jan van Stijevoort–
Auteursrecht onbekend
[pagina 20]
| |
verblidende / daer ghi tbescouwen syt
5[regelnummer]
Ende verheuen bouen allen vrouwen sijt
v kennende goods alderliefste ghetal
Met rechte ghi tsmenschen bedouwen syt
Ga naar margenoot+want ghi syt elckerlicx betrouwen al
Noit sulc betrou / en was / noch en sal
10[regelnummer]
Ghi en liet noyt niemande inden val
wie aen v riep mit rechter trouwe Ga naar voetnoot11
Dies seit groot en smal / duert blide ghescal
lof tsmenschen betrou der inghelen vrouwe
Alle inghelen tot uwen dienste ghestaen syn
15[regelnummer]
dus sydy dies vrouwe gheweldelijke
Want dinghelen ewich ende sonder vergaen syn
ende de menschen contrarie in artrijke
Die sydi smenschen betrou soot blyke
want niemant en betaelt soe wel dien pacht
20[regelnummer]
Waer es betrou in desen versyke
al heeft sulc wille / hy en heeft gheen macht
Ende sulc heeft macht / synen wille versmacht
Mer op v vrouwe est noot gheacht
ghy hebt wille en macht vri sonder rouwe
25[regelnummer]
Elc kersten dracht / looft dus dier cracht
lof smenschen betrou der inghelen vrouwe
Recht ist dat ghi vol victorien syt
bouen al dat ye leuen bescouwede Ga naar voetnoot28
Want ghi byden vader in glorien syt
30[regelnummer]
Ga naar margenoot+die in v synen soon betrouwede
Hoe sout syn dat hem yemant benouwede
of elders betrouwede daert god noijt dede
Ghemerct dat v troost noyt en flouwede
hoe groot / hoe sondich / ghy vont hem vrede
35[regelnummer]
Oec sydij vrouwe der inghelen mede
Want v sone es scepper dier soethede
v man v vader / alsoemen scouwe
| |
[pagina 21]
| |
Dies ic mit weerder bede / v groete te deser stede
lof smenschen betrou der inghelen vrouwe
40[regelnummer]
In wien dat noyt wantrouwe gheuonden was
in wien het alder sekerste leuen es
In wien der werlt behout ghebonden was
in wien noch smenschen betrou ghebleuen es
O vrouwe want in v beseuen es
45[regelnummer]
ghy mensche synde ende van sonden vrij
Soe ist recht dat v toe ghescreuen es
vrouwe der inghelen waermen sij
Noyt inghel quam tsulcker gracien als ghij
Onkenlick es hem. die macht van dij
50[regelnummer]
vol / meer dan vol / mit gracien douwe
Neemt dit slecht bely / in dancke van mij
lof smenschen betrou der inghelen vrouwe
Ga naar margenoot+Ey lacen tmoet cleen . by uwen duechden / syn
tlouen van ons / die hier beneden gaen
55[regelnummer]
Mer als wy poorters / by v in vruechden syn Ga naar voetnoot55
wat wort v dan werdicheden ghedaen
Daer condj als vrouwe in vreden staen
beuelende / de inghelyke scare
De duuelen condj mit onleden slaen Ga naar voetnoot59
60[regelnummer]
als v ghevanghen in pijne sware
O jacobs fonteyne staende openbare
Daer elc toe mach om drincken tclare
als lauenisse om ons erme flouwe
Dies gaet verde naere / van v dees mare
65[regelnummer]
lof smenschen betrou / der inghelen vrouwe
Princesse . die in caritaten syt
verde hoghe bouen der seraphinne
Wys bouen cherubin ghy int vaten syt
goods troon bouen alle tronen vol minnen
70[regelnummer]
Bouen dominacien eerlicx winnen
Bouen potestaten elc lant versinnen
| |
[pagina 22]
| |
v myrakel bouen virtuten raet / es
V bootscap bouen darchangelen daet / es
V riegiersel bouen der inghelen saet / es
75[regelnummer]
als alderhoochste int ruijme int nouwe
Ga naar margenoot+Princesse wiens graet es / hoet begaet es
lof smenschen betrou / der inghelen vrouwe
|
|