Refereinenbundel, Anno 1524

Reffereyne CXLVII
O scone maria staet mij in staden

ICk aerme besondichde creatuere
niet waerdich taenscouwen v maget puere
wiens gracie dat hemel ende aerde omrinckt
Mer hope stelt my tot uwen labuere
dies ic v aenroepe in sulcker figuere
wesende eer ghi Josephs trouwe ontfinckt
Daer ghi v selue goode offeren ghinckt
inden tempel op climmende die xv graden
Dies v myn ziele deuotelic groeten schinct
dus segghende / daer my v minne toe dwinct
o schoone maria staet my in staden

O leuende fonteyne / o bat om dwaen
poortierighe ghi cont / gheuanghen ontslaen
ghi gheneest de sieken / ghi sacht torment
Ghi doet doue horen / ende crepels gaen
stomme spreken / ghy hebt al dit ghedaen
te melanen / daer ghy staet gheprent
V maechdelike ymagie is daer bekent
verheuen versocht / om drucks ontladen
⁺Ick aerme broosch mensch in sonden verblent ²⁰

+ Fol. 206^v (cxcviii^v)

20 de r van aerme boven het woord bijgeschr.

[p. 25]

 

roepe mit herten tuwaert ghewent

 

oschone maria staet my in staden

 

 

 

Wien wil ick om troost aenroepen bet

 

naest gode / dan v maecht onbesmet

25

middelarighe tusschen god ende den sondaren

 

Een bloeseme betughende den kersten wet

 

een pylaern des gheloofs / jae tsterckste let

 

bouen allen apostolen die oeyt ghewaren

 

O leytsterre / daer alle verdoolde op varen

30

inde salighe hauene beuryt van scaden ³⁰

 

O maria / myn sondich scip wilt sparen

 

eert sinckt te gronde / voer sulck beswaren

 

o schone maria staet my in staden

 

 

 

Ghi syt die arcke / daer hem Noe in besloot

35

ghy syt dolyue / daer ons pays wt sproot

 

dus wilt oec mynder sielen pays impetreren

 

Ick gheue my sculdich in sonden groot

 

dicwil ghebroken dat god gheboot

 

werlyke glorie was myn studeren

40

Myn ghebreken soe menichfout dubbeleren

 

teghen een duecht / duystwerf in misdaden

 

Mer v gracien niemant en corrumperen

 

⁺bidt voor my god salt hoopick consenteren

 

o schone maria staet my in staden

 

 

45

Houerdich Nidich Traech Gulsich en Vreck

 

Luxuriues Ghierich en sulck ghebreck

 

goods passie vergheten / tot menigher stont

 

Onredelic leuende liep ick int streck

 

vanden viant / soot tscaep loopt inden beck

50

vanden wolf / in vresen te syn verslont

 

O balsame makende / die beete ghesont

 

vanden serpente / daer wy of waren verraden

 

Salft oec my sondighe quetsuer sonder gront ⁵³

30 salighe in marg. links bijgeschr.

+ Fol. 207 (cxcix)

53 di van sondighe boven het woord bijgeschr.

[p. 26]

 

met gracie / ic roepe mit herte mit mont

55

o schone maria staet my in staden ⁵⁵

 

 

 

Dus hebic in sonden mynen tyt versleten

 

my seluen der salicheyt of ghespleten ⁵⁷

 

mi dunckt ic sie goods ghesele gheheuen

 

O maria suldy my nu vergheten

60

soe wordick wten blyden ghetale ghesmeten

 

daer de zalighe goods kinderen/in staen gescreuen

 

O maria bidt dat god my wil vergheuen

 

myn sonden / helpt my die vloeit duerwaden

 

Ende dat ick mach bekeeren myn sondich leuen

65

ick roepe mit herten tuwaert ghedreuen

 

o schone maria staet my in staden

 

 

 

⁺Om te salighen weghe / dan te gherakene

 

ende mij seluen mit gode deelachtich te makene

 

soe bely ic / myn sonden om te syn ontlast

70

Misdadich / in sien / in horen / in smakene

 

in ruyken / in tasten / in slapen / in wakene

 

die heylighe daghen niet gheuiert gheuast

 

Ontpastic goods recht / scriftuerlic gepast ⁷³

 

en lietick den salighen wech omden quaden

75

Soe ben ick voer gode een onwert gast

 

mer ic roepe aen v reijn troostelick mast

 

o schone maria staet my in staden

 

 

 

Waer ick de gheboden mach hebben ghebroken

 

dat op myn arm ziele moet syn ghewroken

80

ick bidde ghenade op myn knijen

 

Misdedic oyt inden xij articule beloken

 

vanden gheloue heb icks gheen biecht gesproken

 

ick bidde oetmoedelick ghanade van dijen

 

Misdedick oyt wetende of onuersien

85

inden vij sacramenten goods vruchtbaer saden

55 de tweede t van staet boven het woord bijgeschr.

57 de l van ghespleten verb. uit een r

+ Fol. 207^v (cxcix^v)

73 de p van Ontpastic verbeterd uit een lange s

[p. 27]

 

Niet gheert ghewerdicht nae loofs belien

 

eer god dit wreeckt / oft mach gheschien

 

o schone maria staet my in staden

 

 

 

Heb ic in weldoen tswerlts lof ghemeent

90

⁺was ontfermherticheyt in mij versteent

 

oft misdedic oijt teghen den heijlighen geest

 

Te selden ghebiecht / gheen sonden beweent

 

ondancbar in dat my god heeft verleent

 

oft te veele gehoopt / te luttel gheureest

95

Of in de drie crachten mynre sielen keest

 

liet ic oyt tyt van weldoen in my verspaden ⁹⁶

 

Heb ic aertsche weelde myns vleyschs volleest

 

het rout my / dus roepic eenpaerlick meest

 

o schone maria staet mij in staden

 

 

100

Dese bedinghe ontfanct tuwer werdichede

 

bidt voer hem diet maecte ende maken dede

 

ende voer alle diese deuotelike leesen

 

Ende voer die haer duecht doen tenigher stede

 

mit ghifte oft mit deuoter bede

105

daer uwen lof of dienst by wort gheresen

 

Alle die versoeken v maechdelyc wesen

 

vertroostse ende thoont hem v ghenaden

 

Soe dat onser sielen quetsuer mach ghenesen

 

dus segick noch slutende myn dicht mit desen

110

o schone maria staet my in staden

+ Fol. 208 (ii^c)

96 de tweede e van weldoen boven het woord bijgeschr.