Refereinenbundel, Anno 1524
(1930)–Jan van Stijevoort–
Auteursrecht onbekendReffereijn CXLVIII
| |
[pagina 28]
| |
Alder reynste maechdelicste rose
5[regelnummer]
noyt sondich ghepeys v ghenaken mochte
Eer god om hemel / of om aerde dochte
Syn grondelose ontfermherticheit v sochte
in diepste synder herten / daer ghy laecht
Duer wien hy den bant / der hellen ontcnochte
10[regelnummer]
Ende die salicheijt / ter werlt brochte
dies v myn siele lof toe draecht
minlicste maria / suuerste maecht
Lof godlick scat gheoffert synde
inden tempel der maechdekens schone
15[regelnummer]
Lof die daer haer ionghe ledekens pynde
Vijfthien trappen te climmen alsoot schijnde
om te vercryghen dopperste croone
O maria alder duechden ghewoone
Daghelicks inden seluen persone
20[regelnummer]
begheerdi datmen ws loofs ghewaecht
Dies ghij veel gracien hier stelt te toone
Den ghebrekelyken menschen te loone
die v deuotelyken syn lyden claecht
minlicste maria suuerste maecht
25[regelnummer]
Ga naar margenoot+Lof ootmoedichste maecht ghebenedijt
afgrondeghe zee ouer vloyt van gracien
Die alder duechden exempel syt
Reyn tempel / die god selue heeft ghewijt
vol heylicheden / en vol contemplacien
30[regelnummer]
Lof arcke vol godlyker habitacien
V louen menschen ende inghelen nacien
als die der drieuoudicheyt meest behaecht
Reijct ons v ermen ter lester spacien
Toocht ons v aenschyn der jubilacien
35[regelnummer]
ende tlicht dat ewelic in v daecht
minlicste maria suuerste maecht
Lof sprute wt yesse Aarons bloeysele
lof moyses roide / die dorstighe cont lauen
| |
[pagina 29]
| |
Lof Judith reyn / die sonder vernoijsele Ga naar voetnoot39
40[regelnummer]
Mits beden gheuelt hebt / holophernus moeysele
lof hester daer wy ter victorien bij quamen
Ghelyc god es drie personen te samen
Vader Sone heylich geest by namen
soo sydy maria die druck verjaecht
45[regelnummer]
Suster / moeder en bruijt / naer tbetamen
Een enighe een reyne maecht vol vramen
daer de iootsche wet es bi gheplaecht
minlicste maria / suuerste maecht
Ga naar margenoot+Lof princesse des hemels / goods liefste bruyt
50[regelnummer]
coninghinne van allen coninghinnen
Duer v figuere ghi daghelicx ontsluyt
Veel mijraculen / oost / west / noort / en suijt
soe volcomelic als te melanen binnen
O moeder goods laet my oec troost gewinnen
55[regelnummer]
Ghelyc ghi blinde doet sien / en crepele rinnen
doue horen stomme spreken onuertraecht
Verdoolde beweghende haer sinnen
Verlossende gheuanghen maecht vol minnen
ende soe ghy vrouwelyke siecte saecht
60[regelnummer]
minlicste maria / suuerste maecht
|
|