Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refereijne CLII Lof dagheract / die ons tlicht ghebaert hebt Ga naar voetnoot+ O Minlicste scoonste goods waertste bruijt O reyn fonteyne der duechden conduyt o hoochste ghecroonste goods consistorie Hoe soudic sondaer van sinnen seer ruijt 5[regelnummer] Nae werden hier connen ghespreken wt uwen lof maria / suuer ciborie Wiens waerdicheyt / climt bouen elcx memorie wat wil ic dan doen O ghetroutste mijn Ic en ders beghinnen o hemelsche glorie 10[regelnummer] nochtans sal ic opter ghenaden dijn O minlic ghesicht claer blinckende robijn Ga naar margenoot+als moeder en maecht / ghi eerst anstaert hebt Der sonnen licht / al ons drucks verdwijn Dies mach ic wel segghen o godlick schijn 15[regelnummer] lof dagheraet die ons tlicht ghebaert hebt O licht dat hemel / ende erde is spijsende Ghy syt den dagheraet / in wien was rysende wter sonne licht / een leuende adre Wie can v reyn dagheraet / sijn vol prijsende 20[regelnummer] Tes een werc / ongrondelic / onbewysende wiens mergestont / es de hemelsche vadre Lof dagheraet / diet al hebt volbracht te gadre wiens auont / is mit goods soone volleest Dus sydi dagherat duer god die vadre
[pagina 35]
25[regelnummer] die tlicht ghebaert hebt / duer den heilghe geest Mits dy moedre / lof maechdelic foreest wien ic lof toe scriue / die tmanna bewaert hebt Twelc inder dagheraet / neder daelde meest Dies segick maria / reyn godlyck keest 30[regelnummer] lof dagheraet / die ons tlicht ghebaert hebt Lof dagheraet daer den auont nae haecte Die ons mitter triniteyt euwich maecte wiens morghestont noyt was beghinnende Wiens middach hittich inder liefden blaecte 35[regelnummer] Ga naar margenoot+Wiens auont tvierich strael der minnen smaecte der doot / voer ons dewich leuen ghewinnende Lof dagheraet duer wien wy syn bekinnende den dou des hemels / een moeder der duecht Lof dagheraet/lof woort/dwelc men was versinnende 40[regelnummer] als de herdekens hoorde der inghelen vruecht Der dagheraet / ghy wel ghelyke muecht want balaams sterre / ghy puer verclaert hebt Daer heyden en joden / om waren verhuecht Dies segic v maria reyn suuer juecht 45[regelnummer] lof dageraet / die ons tlicht ghebaert hebt Princhesse O shemels princesse / int hoochste verheuen Wie can v te vollen / hier lof gheuen niemant / want ghi gode soe wel behaecht V werdicheyt en was noyt volscreuen 50[regelnummer] O licht der lichten O leuende leuen die ons alle duysternisse verjaecht Duer v dagheraet / wten oosten daecht een sonne der gracien / groot van machte Van meerder wonder / en was noit gewaecht 55[regelnummer] want ghi baerdet / den ghenen in kersnachte Die v selue langhe te voren wrachte daer ghi den viant mede veruaert hebt
[pagina 36]
Ga naar margenoot+Als ghi smenschen sone aent cruce wachte Daer by segick / O gloriose drachte 60[regelnummer] lof dagheraet / die ons tlicht ghebaert hebt	voetnoot+ In den titel is de g van ghebaert verb. uit b margenoot+ Fol. 213 (ij^c v) margenoot+ Fol. 213^v (ij^cv^v) margenoot+ Fol. 214 (ij^c vi)

Vorige Volgende