Refereinenbundel, Anno 1524

Reffereyn CLIII
Lof sterre die alle de werlt verlicht

O blinckende claerheyt / spieghel vol gracien
O godlike schijn / licht der jubilacien
daer alle bedructheijt / voer moet wyken
Recht ist datmen v looft / mit reynder nacien
Och ick bints onwerdich / te deser spacien
mits werken der sonden / die aen my blyken
Nochtans hoopick / en sal my niet beswijken
troost van haer / daermen dees questio om vraecht
By welcker sterren / mochten best ghelyken
maria goods moeder / der suuer maecht
Onder al wort v een van my ghewaecht
daer dander al tsamen op syn ghesticht
Polusarticus sy haer name draecht
dies segic marien ter eeren nnyn dicht ¹⁴
lof sterre / die alle die werlt verlicht

De reden waerom / salic v toghen
Gheen sterre en can dees sterre verhoghen
⁺tes tprincipael slot / vanden firmamente
Alle ander diemen syen mach met oghen
Moeten haer onder dees sterre boghen
ende sy blyft int hoochste tonsen presente
Onueruerlick staende / als een regente ²²
die der sterren loop / tsamen es regerende

14 na segic een doorgehaalde v

+ Fol. 214^v (ij^c vi^v)

22 de eerste u van Onueruerlick verb. uit een v

[p. 37]

 

Dus sydy oeck maria / goods excellente

25

in dopperste vruecht / alder hoochste regnerende

 

Shemels slot / met gode / ons veraccorderende

 

claer pylaer / daert al op scicht en ontscicht

 

Hier by soe bin ic v / nu comparerende

 

als polusarticus / hoochst int ghesicht

30

lof sterre /die alle die werlt verlicht

 

 

 

Voerwaer dees sterre doet ons druc verdwinen

 

Want sy ghehulpich es tot medicinen

 

al en werckt sy niet / ghelyc den planeten

 

Inden cruden sy geeft cracht bi termijnen

35

Den ander sterren die onder haer schynen

 

dies der ic my der waerheyt wel vermeten

 

O onbeulectste int hoochste gheseten

 

standaert daer wy al ons hoope op vueren

 

Medicinaelste vol wyser secreten

40

⁺wiens cracht werct in ons creatueren

 

Den bedructen gheneesdij telker hueren ⁴¹

 

o maria aen hoort myn leuen slicht

 

Polus articus sydy by figueren

 

mits den crachten / daer ghi syt me beticht

45

lof sterre die alle die werelt verlicht

 

 

 

Princesse

 

 

 

Princesse die ons vruecht doet beclyuen

 

Der sterren cracht / en can ic niet vol scriuen

 

soe edel ist al / dat wy aen haer merken

 

Nae middach voer haer / daer wilic bi bliuen

50

En moghen gheen onreen wolken dryuen

 

sy en verteerse / het tughen ons clercken

 

O maria vol ghenadigher wercken

 

gheen sondich mensche / soe onreyn beuonden

 

Quaem hi nae middaech / elc wil hier na hercken

55

dats doen xpristus de doot sterf voorde sonden

+ Fol. 215 (ij^c vij)

41 de derde e van gheneesdij boven het woord bijgeschr.

[p. 38]

 

Ghi vercrycht hem gracie nu ten stonden

 

want des vaders toren hebdj gheswicht

 

Dus sydi maria / na rechts oorconden ⁵⁸

 

polus articus int noorde ghericht

60

lof sterre die alle die werelt verlicht

 

 

 

A . . . M . . . E . . . N

58 de r van oorconden boven het woord bijgeschr.