Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refereyn CLXII This beter huden dan merghen ghedaen VErloren siele keert omme keert bekent / belyt / bescreyt / v sonden groot Eer ghy wordt ontgoyt / ontlyft / onteert Ga naar voetnoot3 want die huden leeft / is morghen doot 5[regelnummer] Belyt v misdaet / hebt berou / this groot Staet op en gaet uwen vader inden scoot doet v brulofs cleet aen eerm en ryck Gaet aen syn tafele / eet mit hem broot Scuyt die doornen / gaet inde rosen root 10[regelnummer] en wroet mitten vercken niet int slijck Rouwe hebt met magdalena versyck betrout god als die scaeker bi hem ghestaen Ga naar voetnoot12
[pagina 56]
Ga naar margenoot+Eer v lant verdrincke / haest maect den dijck tes beter huden dan merghen ghedaen 15[regelnummer] Verloren soone maect v vindelick peynst wie / van waer ghy sijt En gaet inden put niet al blindelick want huden sorcht voer merghen altijt Haest v doet ane v suuer habyt 20[regelnummer] Draecht den rock des gheloofs om profijt hebt gheloue / hope / en caritate Hoopt in god / bemint god / hebt ghene nijt Doet v scaemscoyn aen sonder respyt en gaet inden wyngaert niet te late 25[regelnummer] Wint goede druuen twort v bate Maect dat v siele veel olyen vate wilt als tvrouken tot helijzeus gaen Quyt v scult / vouecht v in goeden state te beter huyden dan merghen ghedaen Ga naar voetnoot29 30[regelnummer] Verloren scaep / hoet v voor die woluen dat lichaem der werlt ende oec uwen viant Al waerdj tusschen twe mueren ghedoluen ghi moet steruen / ten baet gheen onderstant Ga naar voetnoot33 Gaet te biechten snyt of den sondighen bant 35[regelnummer] Ga naar margenoot+Neemt cruijt der penitencien in v hant en laet v leet syn / v sondighe wercken Vreest goods oordel / scuut der hellen brant Vuecht v totten x gheboden / want de sondaer en sal gheen salicheit verstercken 40[regelnummer] Open is den scat / der heyligher kercken Die priester wacht leken ende clercken daermen goods ghenade duer mach ontfaen Wilt die onsekerheyt ws leuens aen mercken tes beter huden dan morghen ghedaen
[pagina 57]
Prinche 45[regelnummer] Sydy een verloren sone wilt om v misdaet suchten ende kermen Gaet tot uven vader / alder duecht ghewone laet tranen van berou v verwermen Begheerdi ghenade / hy sal uwer ontfermen 50[regelnummer] Minlick cussen / en nemen in syn ermen syn ryke als syn erfghenaem gheuen Hy sal v voeden / op houwen / bescermen Vergheuen v voerleden quade termen betert heden v sonden bedreuen 55[regelnummer] Ghy en weet niet / of ghe selt morgen leuen Ga naar margenoot+neemt haest den staet van gracien aen En bekent altyt prinche verheuen tes beter huden dan merghen ghedaen	voetnoot3 de eerste t van ontgoyt boven het w. bijgeschr. voetnoot12 de eerste t van betrout verb. uit eene onvolm. s margenoot+ Fol. 227 (ii^c xix) voetnoot29 na te een inktvlek, waar blijkbaar eene (ronde) s moet hebben gestaan. voetnoot33 na de i van ghi staat het begin van het eerste staafje eener m margenoot+ Fol. 227^v (ii^c xix^v) margenoot+ Fol. 228 (ii^c xx)

Vorige Volgende