Logo DBNL
Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort–rechtenstatus Auteursrecht onbekend

Vorige Volgende

Refereyn CLXV
Alle sotten en draghen gheen bellen

 
In alle tornoyen oft vrolyke foreesten
 
In alle schietspelen of feesten van rethoryken
 
Daer vintmen veel diuersche sotten ter feesten
 
mit bellen blinckende om elcx bekyken
5
Ende lopen ter straten / van wyke te wyken
 
mit duythsche caproenen om vruecht te beginnen
 
Handen vol bellen / thes dic sien blyken
 
aen ellebooghe buten en binnen
 
Mer edel gildebroers ghi moet versinnen
10
datmen alle sotten niet en mach bemercken
 
+Aent blinken der bellen wilt dat bekinnen
 
sy en dragense niet allen die den sot verstercken
 
Die gheesten moeten soe bedectelic wercken 13
 
dus moet ic v den rechten text wt spellen
15
alle sotten en draghen gheen bellen
 
 
 
Magher roijaerts en mach ic niet vergheten
 
daer pouer den hooren heeft inde hant
 
Die heymelike roy tappen dit moeti weten
 
ende den ioncker willen maken vaet wel tverstant
20
Dees en draghen gheen bellen hier int lant 20
 
noch houerdighe sotten vaet dit ontmoeten
 
Daer de malheyt soe groot in is gheplant
 
niet wetende dat si gaen op haer voeten 23
 
Wie sal dese amoruese haren sin versoeten
25
die sonder bellen ghelyc iaghen den sot
 
Oft vechters of tuyschers twaer quaet om boeten
 
sy en souden den sot / hier af weeti tslot
 
Noch laet icker veel achter die ick niet rekenen mot
 
dus segick noch al moet my quellen
30
alle sotten en draghen gheen bellen
 
 
 
Souidense huden sdaechs alle bellen draghen
 
+die mit enen sot ghequelt syn
 
Ten soude de sommighe niet wel behaghen
 
die mit groten benificien ghestelt syn
35
Sy en moghen niet al ghemelt syn
 
geestelike prelaten costers ofte proost
 
Ende men vinter noch sout al getelt syn
 
die heymelic den sot maken het exempel gloost
 
Merct sotten op gheblasen suijt ende oost
40
dexperiencie blyct aen sulcke cadetten
 
Die stellen op mallaerts sterc haren troost
 
tyelooskens machmen oec hier bi setten
 
Die op haer goyken niet veel en letten
 
dits blykelic sy en connens niet verpellen
45
alle sotten en draghen gheen bellen
 
prince
 
 
 
De duuen sotten in alle steden
 
sy moeten oeck syn hier in dit perck
 
Die en vinden gheen gelt dies bin ic te vreden 48
 
want sy sien altyt opwaerts euen sterck
50
Die canyn sotten bedriuen twerck
 
die melcken altoos vroich en late
 
Dies en draghen sy bellen tsy leeck of clerck
 
noch meesen sotten daer ick vruecht in vate 53
 
+Dees verwispelen al haer bate
55
ende maken den sot hier en daer int velt
 
Des sy oock qualick syn ghestelt
 
want ic blyf by my eerste motyf mitter scellen
 
alle sotten en draghen gheen bellen

Vorige Volgende