Refereinenbundel, Anno 1524
(1930)–Jan van Stijevoort–
Auteursrecht onbekendReffereijn CLXXXIII
| |
[pagina 102]
| |
Pharao en wilt nae Moyses niet horen
Hy moet in snot in spekel versmoren
tgulden calf wordt dagelics gheeert noch
10[regelnummer]
Dathan Abiron en syn niet verloren
Amalech es noch den joden te voren
Sambri es syn wonde ghecureert noch
Raab bouen trouwe wort gheuioleert noch
Achor hout tvolc van hem ghekeert noch
15[regelnummer]
Gabaon beuenst subtyl van sin es
Aijothos cloicheyt wordt vermeert noch
Dus seggick den stoc onghenarreert noch
die werelt raest mit al datter in es Ga naar voetnoot18
Ga naar margenoot+Sijsarachs waghens syn crachtich lopende
20[regelnummer]
ijsebels dochter is seer mishopende
Abimelech wij sien hem besteynen oock Ga naar voetnoot21
Samson es Dalidaes minne becopende
Hisbeseth es den vaeck ontcnopende
Joab die verrader can hem verblyden oock
25[regelnummer]
Dauids victorie wilt Saul benijden oeck
Amon duer valsheyt can Thamar onturiden oec Ga naar voetnoot26
Absolon wilt synen vader ont eruen saen
Salomon is duer dafgoden in lyden oeck
Roboan stelt den raet besyden oeck
30[regelnummer]
Sefex wil goods volck verderuen saen
Athalia sal die kinderen doen steruen saen
Sennacheribs cracht nu meest in ghewin es
Samanazee coomt samarien onteruen saen
Dus mach ic wel segghen / ic vint gescreuen staen
35[regelnummer]
die werelt raest mit al datter in es
Manasses boosheijt es nu iusticie
Josyas goitheyt es nu malicie
Daniels bescuddinghe nu laudabel es
| |
[pagina 103]
| |
Golijas ontfanct voer duecht punicie
40[regelnummer]
Holofernes cracht nu seer laudabel es
Ga naar margenoot+Tobias blintheyt nu incurabel es
Sorobabels raetsel nu mer een fabel es
Machabeus zwert is nu al versleten
Anthiochus blasphemie niet onnabel en es
45[regelnummer]
Nichanars licht als een fabel es
Jonathas ghetrouheyt is nu al vergheten
Onyas es als een hont verbeten
Herodes valscheyt nu groot int bekin es
Annas Cayphas hebben tbisdom beseten
50[regelnummer]
Noch blyft den stoc nae myn vermeten
die werelt raest mit al datter in es
Prinche
Mij verwondert waer antekerst bliuen mach
Soe wel als hi sijn spel nu bedriuen mach
waerom tgheloue staet seer cranckelijc
55[regelnummer]
Elc suect hem seluen dat hij becliuen mach
Die broederlijke liefde daermen of scriuen mach
es al verloren / en trecht staet seer wanckelic
Scande regneert nu ic en weet waer die min es
dus scriue ic concluijs al schijnet stanckelic
60[regelnummer]
die werlt raest mit al datter in es Ga naar voetnoot60
|
|