Refereinenbundel, Anno 1524
(1930)–Jan van Stijevoort–
Auteursrecht onbekendReffereyne CXC
| |
[pagina 118]
| |
10[regelnummer]
v seluen die maecht hiet / een licht vrouken naemdj
Alle vroukens mit uwer oneeren bescaemdj
nochtans is ws raet nae twoort der propheten
Goods ontfermherticheit ontfinc / v quaemdj
neemt toch tuwerts dese mate vol troosts gemeten
15[regelnummer]
alsidj ghebeten ghi en syt niet ghegeten Ga naar voetnoot15
Al sijdj in Asmodeus clouwen gheraeckt
al sydy sviants net om zielen te vane Ga naar voetnoot17
Al sydy als Dyna wylen van Cychem ontscaect Ga naar voetnoot18
al ligdi nu vrouken ghy pleecht te stane
20[regelnummer]
Al hebdj Thamars cleet van onneeren ane
Al bestadj als Raab gasten tontfane
al sydj als Putifer op Joseph verblint
Al sydi bedroghen by schoonen vermane
Al sydi cloick als Judith int heer te gane
25[regelnummer]
al sydi als Barsabee van Dauid bekint
Al heeft Amon die schone Thamar ghescent
die or suyn ws vals quaets is syn vermeten
Maect dat ghi mit Magdaleene noch vint
siedj noch toe v scande blyft onuerweten
30[regelnummer]
Ga naar margenoot+al sijdij ghebeten / ghij en sijt niet ghegheten
Spiegelt v aen Pelagiam peijsende
daer sy gheciert quam als een godinne
Dat Neronus die biscop hem wort vreijsende
als hyse ghemuete / verscricte van binnen
35[regelnummer]
Want ic sulck minne tot mijnen ghewinne
noyt tot god / als dees totter werlt droich
Denct toch al was Thaijs woist en wilt van sinne
Ende toonde oec eerloos quaij liefde inne
soe datmen nacht ende dach om haer vocht en sloich
40[regelnummer]
Merct Mariam van egipten this al ghenoich
volcht Magdalenen ten voeten goods gheseten
| |
[pagina 119]
| |
Dees hebben hen noch salich tsamen gherete
al sijdj ghebeten / ghi en sijt niet ghegeten
Peynst doch euwich lyen coomt nae cort verblyen
45[regelnummer]
peyst die doot doet alle amoruesheyt laten
Peyst v liefs die v nu beminnen en vrijen
sullen dan die scoonheyt uws lichaems haten
Peyst alle liefde smelt buten caritaten
Peyst dat die dwase maechdekens mit ydelen vaten
50[regelnummer]
ghesloten worden wt der brulofs feesten
Kee wordi een meshoop nu vander straten
Een voetsel voer heren ende ondersaten
Ga naar margenoot+peyst vrouken oude sonders syn vanden meesten
Peyst venus ende alle amoruese geesten
55[regelnummer]
wordi van god int ordel int vuer ghesmeten
Daer sy ligghen in swaerder foreesten
al hebdj lacen v scaemscoijn versleten
al sijdj ghebeten ghi en sijt niet ghegeten
Princesse
Ghy waert een cameriere
60[regelnummer]
een schoon maecht nu sydj vanden beroocten santen Ga naar voetnoot60
Mit meijkens behanghen met netelen met vliere
machmen v huysken wel besteken tallen canten
Een verflout bloimken ende verdroocht planten
tcroonken der maechdekens hebdj verloren nu
65[regelnummer]
Ghebroken potkens syn nu v dyamanten Ga naar voetnoot65
storfdi dus ghy soudt versmoren nu
Die papegaij is af die roy is te voren nu
leefden v ouders thert waer haer ghespleten
Och bid ghenade en ontsiet goods toren nu
70[regelnummer]
by weldoen wordt alle misdaet ghequeten
al sydj ghebeten ghy en syt niet ghegeten
|
|