Refereinenbundel, Anno 1524

⁺Reffereijne CXCVIII
Den drincpot maect den menighen geldeloos

DEn drincpot es heer van bijsteruelt ¹
DEn drincpot es viant teghens tghelt
den drincpot maect menighen slimmen ganck
Den drincpot alle sorch wter herten stelt
Duer den drincpot mits dranc den buijc seer swelt
den drincpot werpt menighen onder di banck
Men vecht men kijft dat doet den dranck
dan leijtmense int cassement seer boos
Daer moeten sij inne teghens haren danck
den drincpot maeckt menighen gheldeloos

Alsmen gheuaet heeft wijn oft bierken
Ende men vint venus camerieken
dan est wij moeten gaen drincken een potteken
Vanden besten / dan seijt dat lieflick dierken
Het dunct mij sijn dat beste bestierken
ghij weet wel ic bin v liefste motteken
Jck seg dan lief / sij seijt dan sotteken
haer hant is in mynen budel altoos
Des morghens en vindic niet een plotteken
den drincpot maect menighen geldeloos

Heeft die dronckaert dan een loos werdinneken
Soe cloptse hem minlic onder sijn kinneken
mer iiii voer ij scryft sy dats claer

+ Fol. 276^v (ij^c lxvij^v)

1 de eerste initiaal is tevens de eerste van r. 2.

[p. 134]

 

Sy ontknoopt syn bursken sacht dat minneken

25

⁺Ende sij ontreckt hem daer een vinneken

 

dan seijt sij betaelt tghelach es swaer

 

Beclaecht hij sijn gelt dan roiptmen daer

 

vuijl dronckaert vuijl boif mit luder voos

 

Steeckt v van hier ick segt v claer

30

den drincpot maect menighen gheldeloos

 

 

 

Prinche

 

 

 

Dus wilt bij maten drincken

 

want die onmatelic den drincpot vercoos

 

Es erm wilt op dese woorden dincken

 

den drincpot maeckt menighen geldeloos

+ Fol. 277 (ij^e lxviij)