Logo DBNL
Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort–rechtenstatus Auteursrecht onbekend

Vorige Volgende

Reffereijne CIC
Elc doe sijn neringhe ende swijch al stille

 
EEn fantazije es mij corts int hooft ghedraijt
 
van gramscap en const ick nau eten
 
Om datmen rethorijcke nu achter straten saijt
 
Ende elcken nu mit groten cluijten paijt
5
tfij diet ghelooft hij es sot gheseten
 
Tgheeft mij vreemt oft dees cluijtenaers weten
 
tsecreet vanden heeren nae tgheen dat sij singhen
 
Sij waren al werdich mit stocken ghesmeten
 
ende leerden hem lijen cluyten voort bringhen
10
Thes scande groot datment laet gehenghen
 
in een lant daer pays rust vry ten hille
 
Jck seg elc moet syn tonghe bedwinghen
 
elck doe sijn neringhe ende swijch al stille
 
+Jst datse connen cluijten versieren
15
van princhen heren coninghen grauen 15
 
Sy soecken grote list ende nouwe manieren
 
Om liedekens te maken om sgelts vertieren
 
daer sy int gasthuys haer kelen met lauen 18
 
Sij doent tvolc mitten mont te deghen drauen
20
ende mitten ganghe weten sij min dan niet
 
Sy singhen sy crytten al warent rauen
 
tsa tsa coopter niemant een nyeuwe liet
 
Tvolc staet en gaept ten es gheen bediet
 
vol schimpich sanchs brinct die gheen int ghescille
25
Dus segic elc merck vrij sijns selfs verdriet
 
elc doe sijn neringhe ende swijch al stille
 
 
 
Deen singt den Aern sal syn vlueghelen slaen
 
dander singt den leuw salt noch wreken
 
Deen singt die lelye heeft veel misdaen
30
Dander singt die rose es ons ontgaen
 
deen singt mel salde scermutsen en steken
 
Dander singt men salder veel lancen breken
 
tes wonder hoe sy spelen mitten mont
 
Die heren synt dier minst of spreken
35
dese clapaerts wetent al gheseijt goetront
 
Laet den Aern gheworden ende blyft ghesont 36
 
moetet tvlas ghesponnen sijn hij weet die spille
 
Wy maken den leeu mit clappen duerwont
 
elc doe syn neringhe ende swijch al stille
 
 
 
+Prinche
 
 
40
O princelic engien van hogher namen
 
mit uwen edelen voersinighen staet
 
Dat wij veel clappen thes cleijn betamen
 
Jst datter ijet scuijlt Aernt vol vramen
 
ghij sijt wijs ghenoich ghij weet altijt raet 44
45
Wat helpt dat menich quaet sot saijt sijn saet
 
Die nerghens mede en hebben te doene
 
Ter auentueren daer en es gheen misdaet
 
al est dat tvolck nu hem kent soe koene
 
Cluyten te singhen tot sulcken saijsoene
50
ic hopet pays bliuen sal binnen onsen hille
 
Jc segt voor al alst mij staet te doene
 
elc doe sijn neringhe ende swijch al stille

Vorige Volgende