Refereinenbundel, Anno 1524
(1930)–Jan van Stijevoort–
Auteursrecht onbekendReffereijne CCV
| |
[pagina 148]
| |
5[regelnummer]
Ende sij malcanderen alsoe berechten
datmer of scriuen mocht een cronijke
Die al haer leuen met sulcke werc beslechten
ist niet een helle op aertrijke
Ghelijc die steen wls opden dach verbolghen
10[regelnummer]
hen seluen berghen voer tschyn der sonnen
Soe doen dees liefkens die niet en volghen
thuwelick alsoot eerst was begonnen
Als die mans den vrouwen gheen vrientscap ionnen
mer ewich druc vol van versijke
15[regelnummer]
Ende die wijuen die niet lijden en connen
ist niet een helle op aertrijke
Daermen altoos botten vint mitten veriuijse
en knoterpeeren om tontbijten
Daer volle croppen gaen achter huijse
20[regelnummer]
ende handen wel bereet om smyten
Wanneer sijt die pot ende die panne wijten
ende elc van werpen toont sijn practyke
Soe dat sy haer handen vol blous verslijten
ist niet een helle op aertrijke
25[regelnummer]
Ga naar margenoot+Daermen smorghens gardijn metten leest Ga naar voetnoot25
ende alle den dach verwerde ghetijden
En al heeftmen te preken niet gheweest
elders dan daer / tmach redelic lijden
Daer sij tsauonts sonder vermijden
30[regelnummer]
die dommelmetten doen beij ghelijke
Ende stellen dus alle vruecht besijden
ist niet een helle op aertrijke
Oft dan dees liefkens een lijni trocken
maer elc heefter een op hem seluen
35[regelnummer]
Als die haer melck in deijers brocken
varense / of nae die voghels deluen
| |
[pagina 149]
| |
Daer die man die liefste es nae eluen
ende twijf donwertste van thienen alst blijke
Die tschyn van duechden dus op hem weluen
40[regelnummer]
ist niet een helle op aertrijke
Prinche
Jck segt al sout hielen costen
sulc beluijct des werlt cinghele
Hij wunst sijn wijf also stijf als posten Ga naar voetnoot43
daermen die duer sluijt metten grindele
45[regelnummer]
Sulc vintmen oeck sij schijnt een Jnghele
sij woude wel dat haer man waer onder ertrijke
Ouerdinc toch prinche wat ick ringhele
want het es een helle op aertrijke
|
|