Refereinenbundel, Anno 1524

⁺Reffereijne CCVI
Jst niet op derde een hemelrijke

Als lief met lieue es lief en wert
als lief ende lief by malcanderen drincken ende eten ²
Als lief al doet dat lief begheert
als lief mit lieue mach sijn gheseten
Als lief syn lief niet en vergheten
als lief mit lieue es liefs ghelijcke
Als lief syns liefs secreet mach weten
ist niet op deerde een hemelrijke

Als die vriendelijke oochskens malcanderen wincken
ende op gheen ander minne en gloosen

+ Fol. 286 (ii^c lxxvii)

2 na malcanderen is eten en drincken doorgehaald en drincken ende eten hierboven geschreven.

[p. 150]

 

Als lief van liefkens monde mach drincken

 

ende bancketteeren als sorgheloosen

 

Als lief bij lieue rust bij posen

 

Als lief sijn lief begheert ter tijcke

15

Tsamen badende in een badt met roosen

 

ist niet op deerde een hemelryke

 

 

 

Wanneer sij dan wt minnen puere

 

in een beddeken gaen al moedernaeckt

 

Ende scaemte ghesloten es buten duere

20

ende elc nae sanders ghebruijken haect

 

Alsmen dan doorcussen vandie borstkens maect

 

⁺rustende in weelden vrij van versyke

 

Laborerende soe dat die koitse craeckt

 

ist niet op deerde een hemelrijke

 

 

25

Of sij malcanderen alsoe verrommelen

 

dat sij tdecsel vanden hoofde totten voiten

 

Werpen ende vanden bedde stommelen

 

dat sij driemaal snachs verdecken moeten

 

Of sy malcanderen alsoe doerwroeten

30

dat hem die azem bijcans beswijcke

 

Ende sij die quale mit helsen versoeten

 

ist niet op deerde een hemelryke

 

 

 

Daermen dus vechten mach sonder quetsen

 

ende niemant en hoort van grieue claghen

35

Of sy malcanderen op die billen pletsen

 

ende al ketelende wten bedde jaghen

 

Of sij malcanderen int maenschyn saghen

 

al moedernaect in venus cronijke

 

Ende hyse weder te bedde gaet draghen

40

ist niet op deerde een hemelryke

 

 

 

Prinche

 

 

 

Als ghij princelic moecht ghebruijcken

 

v prinselic lief nae venus practijke

+ Fol. 286^v (ii^c lxxvii^v)

[p. 151]

 

Wilt scaemte buten der doeren sluijten

 

en rust in vreden sonder versyken

45

⁺Want daer twe ghelieuen tsamen duken ⁴⁵

 

onder een decksel bij ghelijcke

 

Ende soe vriendelic ligghen tutebuken

 

ist niet op derde een hemelrijke Jaet

+ Fol. 287 (ii^c lxxviii)

45 boven de W van Want staan twee punten.