Refereinenbundel, Anno 1524

[p. 167]

Reffereyne CCXV
Jsse sulck soe isse soos es

SOudse haer selue oeck laten verleijen ¹
SOudse moeghen syn soe die luden seijen
dat sij die ic beminne mij bedrooch ³
Soudese oeck opten rugghe aerbeijen
Of soudse in vreemde broixkens weijen
die mij therte wtten lijue tooch
Soe mach ic wel segghen datse looch
Ghelijc alst lof mitten winde vlooch
of die plume wentelt ghelooft mij des
Soe vliecht haren wil duer truijm gedooch
Mits datse den tuijt soe hemelic sooch
isse sulc soe isse soos es

⁺Luijstertse nae ionghe domme sanghen
Wilsij mij soe die blou huijck omhanghen
canse mij sdaechs twe trapkens ontellen ¹⁵
Gaetse int vleeschuijs blinde stomme vanghen
Wilse alsoe vast lopen cromme ganghen
laetse haer tot allen leesten stellen
Looptse die rechte lancen vellen
Isse ontfermhertich onder die ghesellen
dat is lacen een blou gheles
Machse elc soe horten en quellen
Worsteltse dat haer die borsten swellen
isse sulc soe isse soos es

Leertse dan thoirisoenken luijsen ²⁵
Canse meesterlic den aessack pluijsen
mintse wijn gelt meer dan myn lyf
Looptse vast nae tallen huijsen

1 de initiaal van Soudse is tevens die van r. 2

3 na mij is beminne doorgehaald.

+ Fol. 296^v (ii^c lxxxvii^v)

15 de eerste s van sdaechs verb. uit het begin eener d

25 de eerste e van thoirisoenken boven het woord bijgeschreven.

[p. 168]

 

Can sy nae dubbele ghesellekes muijsen

30

teghen stoilen en bancken euen stijf

 

Maecse mij dan een nyeuw ghekijf

 

Tsauons als ic jocke om tbedryf

 

sy seyt wat ic doe tis al exces

 

Noijm icse liefken sij heet mij katijft

35

Tierende als een dobbel wyf

 

isse sulc soe isse soos es

 

 

 

⁺Princhesse

 

 

 

Sterck fraij ende vlugghe

 

soe bin ick seker ende ghewes

 

Hoe dat sij smeect sij gect achter rugghe

40

Dies ic claerlic stae op een wanckel brugge

 

isse sulc soe isse soos es

+ Fol. 297 (ii^c lxxxviii)