Refereinenbundel, Anno 1524

[p. 200]

Reffereijne CCXXXV
Al lachende wordick myns gheldekens quijte

⁺ONlancks ten es niet langhe leden
Was ick tot een bancketgen ghebeden
daer venus was ende haer ghesinde
Twasser cijraet weest des te vreden
Sprack tmeijsken twordt in vrolicheden
coomt tauont ghij sijt daer die gheminde
Jc scickte mij derwaert mitten winde
mij docht twas voer mij een vont
Daer comende binnen ende ickse kinde
Ho ho dacht ic dit wert goet int inde
valt mij te dele dit meijsken ront
Sij seijde sit neder mijn liefste mont
hier isser men en cochtse om een mijte
Aerdighe quackernellekens al gheuet v bont
al lachende wordick myns geldekens quijte

Doen ick mit vruechden alsoe ontscaect was
Ende alle onghenuechte daer ghelaect was
dat discordeerde / van dien sy songhen ¹⁸
Doen seydse reijckter van datter ghemaect was
Een droncsken daer lang nae gehaect was
die vroukens sellen daer by verionghen
Twas ypocras die quam ghespronghen
nu weet ghyt / mer wy en willens geen vermaen maken
Men scancker men sancker mit blyden tonghen
Mer ick was in groten anxt gheswonghen
⁺want ic dachte het souder op mij seer craken
Tvrouken sprac maect moet laet den haen waken
wij willen leuen mit jolijte
Wat ghij begheert sult ghij dan smaken
al lachende wordic myn geldekens quijte

+ Fol. 316 (cccvij)

18 de eerste d van discordeerde verb. uit eene onvolm. s

+ Fol. 316^v (cccvij^v)

[p. 201]

 

Dien nacht bleef ick daer inder muten

 

Tot smorghens vroich hoort doch dees cluten

 

my stont te horen een groot relaes

 

Sy seyd betaelt gheringhe legt wte

35

Van broot / van wyn / van spijs / van fruijte

 

ghy moet verharen by sinter claes

 

Jck vraechde hoe veele sij seijde bij naes

 

thien scellinghen deffen ghelt ³⁸

 

Jck ghinck ter borsen onnosel baes

40

Sij en liet mij niet een inckel aes

 

ic was soe net als een eij ghepelt

 

Jc seij ick en was noijt dus ghestelt

 

sij loich / ic en segt v tot ghenen verwijte

 

Al jockende soe creech sij alle myn gelt

45

al lachende werdick mijns geldekens quijte

 

 

 

Prinche

 

 

 

Jc moste daer spelen bot wt roelken ⁴⁶

 

Ende ic en wasser niet meer tliefste boelken

 

mits dat mij den budel qualic gheuult was

 

Een ander sit daer nu opt stoelken

50

⁺of ghepeerlt oft vergult was

 

Jck en weet hoe ick verdult was

 

sij maecte mij een romeyns baer tot mijnen spijte

 

Daer ick mit venus doen ghehult was ⁵³

 

al lachende wardick mijns geldekens quijte

38 na de n van thien is eene (korte) s (?) geschrapt.

46 na wt is roike doorgehaald.

+ Fol. 315 (cccviii)

53 de g van ghehult verb. uit v