Refereinenbundel, Anno 1524

[p. 204]

Refferen CCXXXVII
Die brabantsche lucht / die zeusche renten

Als ic al ghelopen heb ende ghedraeft
Als ic al ghewrocht heb / ghewroet / gheslaeft ²
als ic versocht heb der werlt regnacie
Als ic ghescraept heb ende ghescraeft
wat hebick meer dan tribulacie
Voer groete moeijte cleijn dominacie ^6
+ende altyt te slepen der slauen boech
Nauwelic om rusten en heb ic spacie ⁸
hier euwelic moede spaij en vroech
Dit ouerdenkende thert mij versloech
ende mocht ic tot mijnen intenten
Constelick leuen twaer my ghenoech
Een recreacie crijghen / tot mijnen gheuoech ¹³
die brabantse lucht die zeusche renten

Al hadick alder werlt scat ende goet
Al waerick gherekent wys ende vroet
ende waer tot grote state verheuen
Al waert al voer mij / eb / en vloit
Wat ic hantere gheluc en thegenspoet
mijn scaepkens hebbende opt droeghe ghedreuen
Wat vruechden mocht mij daer aen cleuen
alst al benijt waer dat ick dede
Sonder caritate most ick leuen
ende nemmermeer hebben rust oft vrede
Dus dunct my thes die beste sede
te schuwen die plaetsen van sulcken tormenten
Om dat ick soecke een rustighe stede
Soe is mijn wenschen en al mijn bede
die brabantse lucht die zeusche renthen

2 de A van Als is die van Als in r. 1

6 te van groete boven den r. bijgeschreven.

+ Fol. 320^v (cccix^v)

8 ic boven den regel bijgeschreven.

13 de i van recreacie verb. uit e

[p. 205]

30

Die brabantsche lucht wort seer ghepresen

 

Swaer herten worden daer by ghenesen

 

⁺dus is die lucht wel myn begheeren

 

Zeusche renthen prysic oec mit desen

 

Sij moeten oec mede inde coekene wesen

35

want men canze daer qualick ontbeeren

 

Const ic dit vercrijghen wat mocht mij deeren

 

soe hadic daert therte nae jaecht

 

Ende mocht ic dan mit luste myn goet verteeren

 

ende mit gheen nijders sijn gheplaecht

40

Al hadic luttel het waer onbeclaecht

 

ende ic waer verlost van drucks tormenten

 

Al hadic al tghene dat myn hert behaecht

 

Hadic na wille van een gheraecht

 

die brabantse lucht die zeusche renten

 

 

 

Prinche

 

 

45

Prince die brabantsche heije

 

Ick dickwils doerweije

 

al daer gheen zeusche rent es by

 

Daer segic als ic te voren seije

 

Diet vercrijghen mach alle beije

50

hy en staet niet qualic hy sy wiet sy

 

Als thert dan van sorghen es vry

 

ende daer gheen onghenuecht in en wast

 

Soe en weet ic gheen beter leuen voer my

 

Rogier bonthans waer dan myn gast ⁵⁴

55

Prince en waert dan niet wel ghebrast

 

dat ic in donder by mynen consente

 

Also ghescict hadde ende ghepast

 

⁺Dat ick mocht crijghen sonder last

 

die brabantsche lucht die zeusche renten

+ Fol. 319 (cccx)

54 de a van bonthans verb. uit o

+ Fol. 319^v (cccx^v)