Refereinenbundel, Anno 1524
(1930)–Jan van Stijevoort–
Auteursrecht onbekend
[pagina 220]
| |
mits godlijke cracht en uwe virtuten
5[regelnummer]
Natuerlick voetsel alle crudekens bringhende
Onghetempertheijt dwinghende
De cracht verlinghende
van allen bloemkens diemen siet spruijten
Hier opter erden doer tmilde ontsluijten
10[regelnummer]
van allen conduten reijn suuer fonteine
O maria wy waren allen ghesloten buijten
Ga naar margenoot+Den hemel / ende laghen in sviants muijten
ten waer doer v schoon maghet reijne
O maria wij waren al ghemeijne
15[regelnummer]
Daer groot en cleijne
mit sviants broitsel
Wy hadden moeten blijuen in pijnen ghemeijne
Dus machic wel spreken dees worden int pleijne
lof reijne fonteijne alder bloemen voetsel
20[regelnummer]
O springhende riuiere van hogher nacien
Wiens comparacie
Tot enigher spacie
niemant en sou wel connen versinnen
Want naest gode / soe hebdj die hoochste stacie
25[regelnummer]
Noijt meerde gracie
Oft exaltacie
en is ghegeuen noch santen noch santinnen
Want verheuen soe sijdj bouen alle seraphinnen
Vierichst int minnen
30[regelnummer]
als sterren die blincken
O maria dit heeft v ootmoedich herte binnen
Verdient / als god in v wilde ghewinnen
vleijsch ende bloit / sijnen toren liet sincken
Ende dmenschelick gheslacht wilde ghedincken
35[regelnummer]
Mit gracien dincken
doer shemels groetsele
Ga naar margenoot+Waer duer des viants macht most krincken
Dies ic v moet vriendelic een groetsel scincken Ga naar voetnoot38
lof reijne fonteijne alder bloemen voetsel
| |
[pagina 221]
| |
40[regelnummer]
Loff schone maria alder bloemen vruecht
Reijn suuer juecht
Diet al verhuecht
schoon rode roose violette kerssouwe
Een witte lelije bij god gheuuecht
45[regelnummer]
Mits vwer duecht
Wel wesen muecht
een edel goutbloeme ghelijck den gouwe
Lof schone gentile bespoeit mit douwe
Pioene ghetrouwe
50[regelnummer]
van verwen root
Accoleije pensee jonck en ouwe
Blou corenbloemken die ick noemen souwe
tcawoirdeken ende ander cruijden bloot
Looft de fonteijne cleijne ende groot
55[regelnummer]
Dees bloemkens minjoot
neemt in v behoetsel Ga naar voetnoot56
Die v syn erende in gheender noot
En laetse niet steruen den onuersinneghen doot
lof reyne fonteyne alder bloemen voetsel
Princesse
60[regelnummer]
Alle ertsche princessen sy te bouen gaet
Nae haren staet
Ga naar margenoot+Tes mynen raet
en ont eerdt niet dese fonteijne claer
Ende en doet gheen bloemkens ouerdaet
65[regelnummer]
Noch draecht ghenen haet
In enighen graet
sy syn veel te reyn ende te eerbaer
Van alle bloemen als Maria tpilaer
Allene voerwaer
70[regelnummer]
ghelooft verheuen
| |
[pagina 222]
| |
Naest der drieuoudicheyt een wesen eenpaer
Dus elc wel segghen mach sonder vaer
enen euwighen lof sy haer ghegeuen
Reynste ootmoedichste maecht beseuen
75[regelnummer]
corts na dit leuen geeft ons doch voetsel
Als wy van hier sullen syn verdreuen
Ende als wy voer god souden moeten sneuen
keert dan van ons alle sviants moetsel
lof reyne fonteyne alder bloemen voetsel
|
|